Гүзәл әкият
Гүзәл әкиятләр илендә
Лилияләр чәчәк аталар
Йолдызларга кунып күбәләкләр
Җилфер-җилфер канат кагалар!
Тормыш
Гомерне ашыктырабыз, бугай
Гомерне ашыктырабыз, бугай,
Атларны куабыз шикелле.
Талларда сандугач, инде бер сайрагач,
Әйләнеп кайтуы икеле.
Гомерләрнең кадерен бел!
Яшь, матур, көчле чакларда
Дуслар күп тә, ярлар күп.
Кадерле чакларың бетсә,
Янәшәңдә һичкем юк.
Гомерләрне үлмәс җыр итәек
Гомер үтә диләр, гомер үтми,
Без үтәбез гомер юлларын.
Артка карап уфтанмаек әле,
Үкенмәек әле соңыннан.
Гомерләрең мизгелләрдән торсын
Уйларың ак, рухың ныклы булсын,
Гомер йомгакларын сүтәрлек.
Хыялларың булсын ак каяга,
Төшләреңдә алып менәрлек.
Гомерләр — яфрак кына…
Нинди генә җилләр исми,
Ә тормыш гөрләй һаман.
Гомер генә алга бара
Тибрәлгән яфрак сымак.
Гомерләр уза икән
Елгыр еллар, моңгайларга,
Сарыларын сыза икән.
Уйласаң, уйламасаң да,
Гомерләр уза икән.
Гомерләр санаулы
Узган гомер узсын әйдә,
Узганга үкенмик без.
Кайгыларга чыдам булыйк,
Хәсрәттән бөгелмик без.
Гомерләр зая үтмәде
Бер-беребез өчен бер-беребез кирәк булдык дөньяда,
Дөньялары җиңел(е)рәк булды шуңа да.
Сынды ялган пар канатлар, сынмый калмады.
Сынган канатларны ялгап гомер алдады.
Гомерләр бер генә (беренче вариант)
Гомерләр бер генә,
Кадерен бел генә,
Вакытлар әрәмгә узмасын.
Гөрләп — көлеп яшәп кал,
Изгелек эшләп кал,
Үкенергә генә язмасын.
