Шәҗәрә
Җиде буын бабамнарның
Исеме югалмасын.
Зур бабамнар тырышыплар
Төзегән шәҗәрәсен.
Кемнәр-кайчан туган-үлгән,
Кайсы гасыр яшәгән,
Барысын да тарих итеп
Ак кагәзьгә теркәгән.
Рамил Чурагулов
Әҗәл
Әҗәл сәгатьләрең килеп җитеп,
Тәкъдирләрең көнең санаса,
«Дөрес яшәлгәнме гомерләр?» дип,
Күңелләрне сагыш-моң баса.
Әнкәмдәй ап-ак мәчет!
Бар яхшылык, бар яктылык
Бары тик әнкәйләрдән.
Саклый аналар догасы
Каза һәм бәлаләрдән.
Әнкәйләрнең фатыйхасы —
Юлларда олы ярдәм.
Әнкәң аяк асларында —
Оҗмах ишеге, Адәм!
Һава фаҗигасе (Бала кайгысы)
Зәңгәр күктә тимер кошлар
Җанны телеп нигә оча?
Болытларда югалсыннар,
Кайгыларны яңартмыйча.
Кышкы көндәй кыска гомер.
Сиңа да — бер, миңа да — бер.
Бер гөнаһсыз сабыйларны
Ник үзенә алгандыр гүр?
Җырым белән көчлемен мин
Хәсрәт килсә йорт илеңә,
Кайгылардан чәчкә сулыр.
Күз яшьләреңне сөртүче,
Юатучым җырым булыр.
Җилкәңдә булса башың!
Сөйләреңне сөйләрсең син
Сөяреңме сөярсең.
«Каф таулары биек», димә,
Хәтта күккә менәрсең.
Юл төзүчеләр җыры
Кеше аягы басмаган
Ком-чүлләрдә, сазларда
Тимер өзәр шәп егетләр
Көн-төн юллар салалар.
Саклык банкы
Кем оекта, кем кыекта
Саклый тапкан акчасын,
Беркөн җирдә төзермен дип,
Гүзәл оҗмах бакчасын.
Акчаның милләте булмый.
Акча — акча инде ул.
Хәләл тапкан акчаңның син
Һәр тиененең кадерен бел!
Радуга
Мең эшләрдән арып-талып,
Күңел сораса дәва,
Мең чирләрдән арындыра
Таза су, чиста һава.
Пилмәнгә мәдхия
Ризыкларның муллыгыннан
Хәтта күзләр камаша.
Үзеңне бик шәп тоясың
Тәмле пилмән ашасаң.
