Бәллүр чишмә
Безнең чишмә бәллүр, бер килеп күр,
Бер авыз ит саф су ләззәтен.
Безнең гүзәлләрне бер килеп күр,
Күкрәгеңдә сүнәр хәсрәтең.
Табигать
Былбыл (беренче вариант)
Айлы төн, саф көзгедәй аяз һава,
Йолдызлар җем-җем итә, керфек кага.
Яраткан яшь йөрәккә мәхәббәттән
Татлырак ни бар табам бу дөньяда!
Быел язлар шактый иртә килде
Быел язлар шактый иртә килде —
Чәчкә атты шомырт бәйрәмгә,
Шул ук көнне бөртек-бөртек карлар
Сибелделәр, охшап сәйләнгә.
Бураннар (беренче вариант)
Сиңа кайтыр юлларымда —
Җәяүле буран
Юлларымны йөгрә-йөгрә
Чистартып куйган.
Колач җәеп каршы алды,
Нәкъ синең сыман.
Сиңа кайтыр юлларымда
Җәяүле буран.
Буран (өченче вариант)
Синең янга көртләр ерып,
Бата-чума юл алам,
Буран җиле эзне юа,
Ялгызлыктан югалам.
Буразналар
Җырлар җырлап кырга чыгам
Таң сызылган сәгатьтә,
Йөрәк соң ничек йокласын,
Кошлар йокламый хәтта.
Боз киткәндә (Агыйделдә боз киткәндә)
Кичә төнлә керфек какмадым,
Кичә төнлә йокы тапмадым;
Агыйдел агышына, кошларның (бозларның) тавышына,
Йөрәгем сагышына.
Бездә урманнар миләшле
Бездә урманнар миләшле,
Яратам ачы миләш.
Ә син нигә миләш өзми
Йөрисең иләс-миләс?
Башка берни дә кирәкми
Туып-үскән шушы җирнең ямен
Алыштырмый икән һичнәрсәң.
Башка берни дә кирәкми,
Үзем чапкан печәннәрне
Бер туйганчы иснәсәм.
Бардым урманга
Бардым урманга — соңга калдым,
Алма агачын кистем лә тал диеп.
Безгә кемнәр теләде икән
Яшьли сөйгән ярларыңнан кал, диеп.
