Балыкчы җыры
Елга буе яр гына ла,
Ярларында тал гына,
Сулары тонык кына,
Тик капмый балык кына.
Табигать
Балан (беренче вариант)
Көзге урман, сары алан…
Коела кыңгыраулар.
Мәк гөледәй кызыл балан —
Каерып сындыралар.
Балан (икенче вариант)
Авыл очында — чәчәкле алан,
Алан читендә үсә бер балан.
Язларын балан шау чәчәк ата,
Әйтерсең аңа ап-ак кар ята.
Балакаем
Хат-хәбәрен юк бу ара,
Эшләрең күптер, мөгаен,
Хәл белешеп китәргә дә
Чыкмый тора микән җае?!
Ашыкма көз иленә!
Мең төсләргә төренгән көз
Җәйне әйди үзенә.
Җиләкле җәй, чиләкле җәй,
Алданма (ышанма) көз сүзенә.
Ашкыну (беренче вариант)
Кояшлы язлар килә, нур беләк тула дөнья,
Әйләнеп бозлар дулкынга, чабалар ярга.
Агачлар яфрак яра, кошлар коралар оя…
Шулчак йөрәк җилпенеп, күңел ашкына кая?!
Ашкын, кешем!
Җирдә кеше булу өчен
Кеше күпме юллар үтә.
Ашкын, кешем! Сине җирдә
Еллар көтә, юллар көтә.
Ашказар
Җанкай җанаш китте, ай, сунарга,
Ашказаркай буе ла чәшкегә.
Чәшкеләргә китеп, вафат булды,
Башкынаем калды ла яшь көйгә.
Ах, чишмәкәй!
Туган телләремдә җырлый-җырлый
Чылтырап аккан чишмә буенда,
Талир тәңкәләрен чылтыратып,
Әнкәм йөргән төсле тоела.
Ат кирәк безгә!
Уйнадык без, күп уйнадык
Уенчык атлар белән.
Хәзер инде уйнар идек
Тере, чын атлар белән.
