Таң кызы җыры
Чәчләремне шаян җилләр
Уйнап сүтәләр;
Тын дулкыннар йөрәгемне
Назлап үтәләр.
Таң каршында
Таң йолдызы, маяк бул син
Юлда иркәмә;
Нурларың белән аны син
Назлап иркәлә!
Аның кайтып килүен мин
Бик көтеп калам;
Аның өчен чын йөрәктән
Ашкынып янам.
Таң йолдызы
Таң йолдызы, маяк бул син
Юлда иркәмә;
Нурларың белән аны син
Назлап иркәлә!
Аның кайтып килүен мин
Бик көтеп калам;
Аның өчен чын йөрәктән
Ашкынып янам.
Ташлап китмәгез!
Кичә күрдем, ялгыз, кыр казының,
Очып киткән чагын, каңгылдап.
Әллә нишләп, нидер югалткандай
Йөз әйләнде күктә, яр буйлап.
Ташламагыз сөйгән ярны
Онытмагыз яшьлектәге
Ясаган хаталарны,
Сөйгән ярын ташлап китү,
Ярату башкаларны.
Ташлама, бәгыркәем
Алма бакча, челтәр капка,
Ачыла ике якка.
Аккош балалары кебек,
Икебез ике якка.
Сабан туе гүзәле
Бар кешенең күзе синдә,
Сабан туе гүзәле.
Бүген сине күзәтерләр,
Мең карашка түз әле.
Рәхмәтлемен язмыш дигәнемә
Сагынамын, өзелеп сагынамын
Күзләреңнең балкып кабынганын.
Мин генәме икән табынганың —
Карашыңнан җавап эзли җаным…
Рәхмәтлемен
Беләсеңме, иркәм, бер син таптың,
Юллар ярдың минем йөрәккә.
Дустым да син, ярты җаным да син,
Кунып сайрар тирәк-терәк тә.
Рәхмәт сиңа, бәхет кошым
Җиргә аклык, пакълек өстәп,
Ярый әле син тугансың.
Күңелемне сөю, бәхет,
Шатлык белән тутыргансың.
