Беренче мәхәббәт (өченче вариант)
Әби бабай карап кала,
Урамнан уза яшьләр.
Яшьләр йөзендә елмаю,
Картларныкында яшьләр.
Мәхәббәт
Беренче килгән өчен (Җиңүчегә)
Җилне узып чаба егет,
Дулкынлана кыр өсте.
Үзе үстергән игеннәр
Аңа булыша төсле.
Беренче кар (беренче вариант)
Урамнар тын, ява беренче кар
Иңнәреңә синең, чәчеңә.
Бөтен дөнья ямьле, ләкин никтер
Күзләреңдә ачы яшь кенә.
Беренче кар (икенче вариант)
Уйландырып, моңландырып,
Ап-ак кар коела.
Тәүге карлар, тәүге ярдай
Йөрәккә уела.
Бердәнбер генәм
Син барында җирдә, бәгърем,
Җан бөрлегәнем,
Нигә мңңа мәхәббәте
Мен төрлеләрнең?!
Бергә үтик гомер юлларын
Без атлаган юллар тар әле,
Җырланмаган җырлар бар әле.
Эх, шул юлны парлап үтәсе,
Булып кына дөнъя тоткасы.
Бергә чакларда
Кошларның да пары бар,
Көннәрнең дә таңы бар;
Миһербансыз кыланмагыз,
Толларның да җаны бар.
Бергә узыйк Казан урамын
Мин сагынам назлы язларыңны…
Язларда мин хыял корамын.
Язларда мин мәхәббәтем эзләп,
Мең урадым Казан урамын.
Бергә гомергә
Ялан, ялан, яланда,
Син торасың уемда.
Бергә, бергә, гел бергә
Булсак иде гомергә.
Бергә булыйк…
Кош булып очып килдем Казанга,
Сөйгән ярым, сине сагынып.
Сагындыңмы син дә, зарыктыңмы?
Моннан болай китмә калдырып!
