Ак каенны кочып елый Мәръям (Мәръям җыры)
Ак каенны кочып елый Мәръям.
Күз яшьләре тама ак тузга.
Ниләр булды икән, ниләр генә
Ун җидесе тулган бу кызга?
Мәхәббәт
Ак каен (беренче вариант)
Сандугачка серен сөйли
Өй артында ак каен.
Шул каенга сыенып елыйм
Сине сагынган саен.
Ак дулкыннар
Ах, дулкыннар,
Ак дулкыннар…
Уйный җилләр чыгуга.
Әй, кара күз, күңелем төште
Син сөйкемле сылуга.
Ак бәхет теләрмен
«Башка берәү булгач уйларымда,
Бөтенләйгә кит син!» — диямен.
«Ак бәхетләр теләп, юлларына
Ап-ак ромашкалар сибәрмен.
«Ә ул кайда?!» — дигән дусларыма:
«Яратмый ул мине!» — диярмен.
Аймылыш язмышлар
Яшьлекнең язында очраштык, таныштык,
Табыштык — аккоштай тиң ярлар.
Син утка, мин суга әйләнеп хушлаштык,
Аерды яшенле яңгырлар.
Айлы юллар
Бир кулыңны, әйдә айга меник,
Күрәсеңме, айдан юл төшкән.
Без барасы якты айлы юлда
Гөлләр кебек йолдызлар үскән.
Айлы төндә
Айлы төндә йоклый алмый ятам,
Утырам уйга торып.
Ник карадың күзләремә,
Йөрәгемне яндырып?
Айлы төн
Җәйге төн, якты төн,
Күктә ай елмая.
Шул айның шәүләсе
Тирбәлә елгада.
Айлы кич (икенче вариант)
Айлы кичне яратам мин,
Кошлар сайрап торганда.
Ай тулганда, җил тынганда,
Син янымда булганда.
Җир йөзе күмелә нурга,
Җырлыйсы килә шунда.
Айлы кич (беренче вариант)
Айның якты нуры төшә
Колхозым кырларына.
Исемнәреңне кушамын
Сагыну җырларыма.
