Сәяхәтче җыры
Таныш түгел юллар буйлап
Мин озак йөрдем.
Туган ягым күренерме дип,
Тауларга мендем.
И гүзәл туган ягым,
И ямьле туган ягым,
Тау башында бакча булып,
Төшемә кердең.
Дуслык
Табигать балалары
Җилкәдә — поход биштәре,
Күңелдә — серле уйлар.
Безнең хыял, шатлык эзләп,
Дөньяны мең кат буйлар.
Такыялар
Чәчәкләрнең матурларын сайлап,
Такыялар үрдек болында.
Шул чәчәкләр исе килә сыман
Иңнәремә салган кулыңнан.
Сау бул инде, хуш, мәхәббәтем!
Син дип, җаным, башка җан атмам,
Элеккечә өзелеп яратмам.
Акылымны җуеп тилмермәм,
Артларыңнан башка йөгермәм.
Саубуллашу (икенче вариант)
Гөлләр арасында үскәнгәме,
Бигрәкләр дә матур икәнсез!
Әллә йолдызлардан төшкәнгәме
Йөзегездә нурлар исәпсез!
Саубуллашу (беренче вариант)
Килдек сезгә, килдек, дуслар,
Җырыбызны бүләк итәргә.
Сез дусларның алкышларын,
Җан җылысын алып китәргә.
Саубуллашу вальсы (беренче вариант)
Ак алъяпкычларда ак канат,
Күңел оча, гүя, акчарлак.
Ак канат иңнәрдә,
Җилферди җилләрдә,
Күңел оча ерак җирләргә.
Саубуллашу вальсы (икенче вариант)
Шаян җил, иркә җил иркендә яктырып,
Йолдызлар калсыннар, янсыннар!
Күңелем, ишегем гел ачык җилләргә, —
Ашкынам мәхәббәт каршына!
Сездә кала ярты җаныбыз
Утлар сүнәр тиздән бу залларда,
Алкышлар да тынар, җырлар да.
Җырланачак яңа җырларыбыз
Чакыра безне ерак юлларга.
Сердәшем
Җитәкләп барырга парым бар, парым бар,
Гомергә сайлаган ярым бар, ярым бар.
Куркытмас давыллар, куркытмас явымнар
Мине дә, аны…
Мине дә, аны…
Чөнки бит янымда
Гомергә сайлаган ярым бар.
