Син дип, җаным, башка җан атмам,
Элеккечә өзелеп яратмам.
Акылымны җуеп тилмермәм,
Артларыңнан башка йөгермәм.
Сау бул инде, хуш, мәхәббәтем —
Мине кол иткән һәлакәтем.
Түзәргә калмады тәкатем,
Кирәкми синең мәхәббәтең!
«Гомер сөярмен!» дип ант иттем.
Ник үземне үзем кол иттем?..
Мәхәббәт богавы — чылбыры
Кол итте беркөнне җанымны.
Сау бул инде, хуш, мәхәббәтем —
Мине кол иткән һәлакәтем.
Түзәргә калмады тәкатем,
Кирәкми синең мәхәббәтең!
Мөмкин түгел көчләп ярату,
Мөмкин түгел моны аңлату.
Бер-береңне бәйләп богауга
Мөмкин түгел икән ярату.
Сау бул инде, хуш, мәхәббәтем —
Мине кол иткән һәлакәтем.
Түзәргә калмады тәкатем,
Кирәкми синең мәхәббәтең!
