Әбиеңнәр кыз чакта
Булган шундый заманалар,
Шундый чиста чак булган.
Егетләр батыр булган.
Кызлары тыйнак булган.
Бабаң чакырган чагында,
Әбиең килә алмаган,
«Мин сине хочу, җаным», дип,
SMS җибәрмәгән.
Әгәр яңадан тусам
Тусам әгәр бу дөньяга тагын бер кат,
Елап түгел туар идем, җырлый-җырлый.
Ялан тәпи кыяр урлап йөрер идем,
Әткәемнең әрләүләрен тыңлап тормый.
Әй, бу гомер елгалары
Әй, бу гомер елгалары…
Әй, тормыш диңгезләре…
Упкыннарның тирәннәре…
Давылның тиңсезләре…
Әй, гомер!
Үрләргә менәсем бар,
Гөлләрне өзәсем бар.
Үргә менеп, ләззәтләнеп,
Дөнъяны күзлисем бар.
Әй, шәп тә заманалар!
Борынгыдан килгән гадәт,
Шулай иткән бабамнар,
Өйләнергә вакыт җиткәч,
Кыз урларга барганнар.
Барганнар да уеннардан
Матур кызлар алганнар.
Әгәр кызлар тыңламаса,
Зур капчыкка салганнар.
Әйләнә дөнья, әйләнә
Әйләнә дөнья, әйләнә
Сыный адәм баласын!
Күрсәтә дөнья күрсәтә
Бер агын, бер карасын!
Үз фикереңне булдырсаң
Калырсың кеше булып
Калырсың кеше булып
Әйтеләсе сүзләр бар әле
Үпкәләмә еллар үткәнгә
Ярты гомер үтеп киткәнгә
Үпкәләмә көзгеләргә карап
Чәчләргә кыраулар төшкәнгә
Әйткән сүз
Уйнап кына әйткән сүзләр бар,
Уйламыйча әйткән сүзләр бар.
Уйлап, ләкин чынлап әйткән сүзгә
Тешне кыса-кыса түзгән бар.
Әллә ничек кенә үтә гомер
Әллә ничек кенә үтә гомер,
Йөгереп китәр чакта юл булмый.
Йөрәгеңне салсаң учларыңа
Кулларыңнан алыр кул булмый.
Әллә-лил-лә-лә
Өй, ди, түрләремдә сад-бакчам бар,
Сад-бакчам да сайрар кошлар бар.
Сад-бакчамда сайрар, ай, кошлар бар,
Әллә-лил-лә-лә…
Алсу җиләк — кура җиләге.
Сад-бакчамда сайрар, ай, кошлар бар,
Әллә-лил-лә-лә…
Сезнең өчен өзелә үзәгем.
