Герман көе (икенче вариант)
Без барасы юлларның ла
Ике ягы канаулы.
Без моңаймый, кем моңайсын
Безнең көннәр санаулы.
Сагыну
Гомерем буе эзләдем
Болыннарда йөрдем,
Урманнарга кердем.
Чәчәкле аланнарда
Сине эзләп йөрдем.
Гомерем сагышлары
Юрүзәнемдә тибрәнеп
Салларда йөзә алмадым.
Су буеннан зәңгәр чәчәк
Эзләдем, таба алмадым.
Гомерем үтәр иңде
Бер сагыш тоямын да,
Бар эшне куямын да,
Үткәннәргә кире кайтып
Йөримен… хыялымда.
Һәм шуны күрәм ачык:
Син һаман вак-вак басып,
Ромашкалар арасыннан
Барасың ераклашып…
Гомерләр ике килми
Җилләр иркәләр чәчеңнән, —
Син икән, — диеп уйла.
Аларга серемне чиштем,
Сибелсен синең уйга.
Гомерләр үтә икән ул
Гомерләр үтә икән ул,
Үтә дә китә икән.
Яшьлектәге кайнар хисләр
Бик азга җитә икән!
Гаепмени?
Гаепмени оныта алмау,
Бары сине сагыну?
Гаепмени яшьлек ярын
Искә алып талпыну.
Гайнавал җыры
Телеграмм баганасы
Олы юлга маяк ул.
Сагынасыңмы, дип сорыйсың,
Сагынмаган кая ул.
Гармун (бишенче вариант)
Ниләр булды икән, таңга кадәр иркәм
Сагыш тулы бер моңны уйнадым.
Гармун белән бергә күңел өзгәләнә,
Аерылу көе дип уйладым.
Буран микән?
Юлларда буран микән,
Карларын салган микән?
Авылның тар урамында
Сукмаклар калган микән?
