Аккошым
Кыр казлары кебек ул да
Сулар, гөлләр ярата.
Аккош күлләренә барып,
Күңелләрен юата.
Кыр казлары кебек ул да
Сулар, гөлләр ярата.
Аккош күлләренә барып,
Күңелләрен юата.
Аваз сала сабый бала
Тәүге кабат аваз сала
Якты дөнья, якты кояш
Саләм бирә сөеп аңа.
Гомер йомгагы тәгәри
Без белмәгән якларга,
Үзең дә сизми каласың,
Илтә әллә кайларга.
Сез дөньяга килгән чакта безләр,
Зур тормышка аяк басканбыз…
Туган нигезләрне сагына-сагына,
Шәһәр капкаларын ачканбыз.
Синең белән абый күрешсәм,
Кайтам төсле туган якларга.
Әткәй-әнкәй рухын саклаган,
Изге җирем гүзәл Уртайга.
Әтидән алгансың батырлык,
Әнидән җыйгансың сабырлык.
Торырсың, уңгансың һәр яклап булгансың
Сиңа карап хәйран калырлык.
Өй эшегез шау-гөр килә
Яңгырый җыр-шат, көлеш.
Килгән борынгыдан матур
Гадәт кунакка йөреш.
Якын күреп җыелган сезне дуслар.
Дусларсыз яшәп булмый бу дөньяда.
Тормыш матур була ул дуслар булса,
Якын туганнар гел яныңда булса.
Бер бәйрәмләп алыйк әле туган якта,
Туганнарың җыелганда бергә чакта,
Гармун күрекләрен сузам, сузам шушы көйгә,
Бер җырлашып алыйк әле туган көндә.
Без — әтинең биш баласы.
Биш баласы — без, биш бармак.
Язмыш җилләре кагылмас,
Биш туган гел бергә булсак.