Яннарыма килсәңче
Карурманның читендә
Агарып тора каен.
Шул каенга карыймын мин
Сине сагынган саен.
yun_11
Яндырма күперләреңне
Син киттең мине калдырып,
Яшли сөйгән ярым.
Ник төннәргә алыштырдың
Алсу аткан таңымны.
Яндырасың-көйдерәсең
Нигә мине аңламыйсың,
Нигә мине газаплыйсың,
Урамнарда очрашкач та —
Син миңа карамыйсың.
Яраларны сөю дәвалар
Авыр сүзең әйтеп китеп бардың,
Ялгыз калдым яшькә манчылып.
Үткән гомеремне искә алам,
Көтәм сине,көтәм талчыгып.
Яп тәрәзәң
Көзге җилләр чиртә диеп,
Син ачтың тәрәзәңне.
Көзге кырау тимәсен дип,
Күчердең гөлләреңне.
Яныңда булырмын
Мин гел синең янда булырмын,
Миннән башка яши белмәссең.
Мин булырмын күктә янган йолдыз,
Башка йолдызларны күрмәссең.
Яныңа киләм, нарат
Моңланып йөргән чагымда
Очраттым юлда нарат.
Ылысларын җыеп алдым
Ялгыз наратка карап.
Яныңа барам әле
Күңелемнең гөлләренә
Ләйсәннәр сипкән идең.
Кипкәнче килеп җитәрмен
Дип кенә киткән идең.
Янып-көясем килә
Туйдырды пыскып яшәүләр,
Янып-көясем килә.
Янып-көясем килә лә,
«Бәгърем» диясем килә.
Яннарыма кил әле
Күзләремә карыйсың
Анда ниләр саныйсың
Тылыйсың да ишетмисең
Әллә ниләр уйлыйсың.
Яннарыма кил әле
Кулларыңны бир әле
Башкалар белә алмаган
Серләремне бел әле!
