Күңелемнең гөлләренә
Ләйсәннәр сипкән идең.
Кипкәнче килеп җитәрмен
Дип кенә киткән идең.
Өфе поездлары белән
Яныңа барам әле.
Минем йөрәктәге яра —
Ул синең яраң әле.
Күрешү насыйп булмады,
Өзелде безнең ара.
Яшәгән кебек тә түгел,
Гомерләр узып бара.
Өфе поездлары белән
Яныңа барам әле.
Минем йөрәктәге яра —
Ул синең яраң әле.
Яшьлегемнең сукмаклары
Калды сезнең якларда.
Пар канатларны югалттык
Бергә очар чакларда.
Өфе поездлары белән
Яныңа барам әле.
Минем йөрәктәге яра —
Ул синең яраң әле.