Зинһар өчен, кермә төшләремә…
Зинһар өчен, кермә төшләремә…
Мин бит сине күптән оныттым.
Җәй җилләре күптән, күптән агарттылар,
Тараттылар сагыш болытын.
Зәңгәр алка
Зәңгәр алка бүләк иттең
Язгы сабан туенда.
Онытмаска вәгъдәләштек
Салкын чишмә буенда.
Зәңгәр күзле кызны сагынам
Узган яшьлек сыман,
Ярсу хисләр ерак,
Агалар да, еллар, агалар.
Еллар сәйләнендә, гөлләр бәйләмендә,
Шиңми торган яшьлек җыры бар.
Зәңгәр күлләр
Зәңгәр күлләр, зәңгәр күлләр
Урмандагы аланда.
Күңел сагышларын басам,
Шул күлләргә барам да.
Зөһрә йолдыз (беренче вариант)
Зөһрә йолдыз — таң йолдызы,
Таң беленгәч тә сүнер.
Кунак булып, кына, дуслар,
Килә икән яшь гомер.
Идел кичтем, дәрья гиздем
Идел кичтем, дәрья гиздем,
Кереп киттем тугайларга, таллыкка.
Өзелә үзәк, яна йөрәк,
Янда сөйгән яр юкка.
Иделкәем (беренче вариант)
Иделемә төшеп сулар алам,
Иделләрдән чиста сулар юк.
Җан сөйгәнне көтеп яшим һаман,
Күңелемдә башка уйлар юк.
Ике чыршы
Пар үскән ике чыршының
Сорамагыз сез яшен.
Йөрәк тә бит чыршы кебек,
Ул, яшьлектәй, гел яшел.
Горурлык дигән шайтан
Юктан гына үпкәләштәк,
Сизми калдык үзебез.
Сиздермәскә тырышсак та,
Моңсуланып йөрибез.
Бер карасаң, син дә хаклы,
Мин дә сыман гаепсез.
Араларда нигә һаман
Саклана соң бу томан?
Гүзәл җыр кебек
Хәтеремдә: ул көн аяз иде,
Күкрәп үскән иде чәчкәләр.
Шаян карашларың йөрәгемә
Мәхәббәттән гөлләр чәчтеләр.
