Аргаяш күлләре
Зәңгәр күлләр безнең якта
Ал кояшка тартыла.
Кыр казлары безгә кайта
Шул таңнарның артыннан.
Табигать
Ап-ак сиреннәр
Бер-берсенә хисләр көтеп
Үреләләр иреннәр.
Ә бакчаларда хистән исереп
Үбешәләр иреннәр.
Ап-ак карлар ява
Бөтерелеп, ап-ак карлар ява,
Ап-ак сагыш ява тын гына.
Яңа елның бураннары белән
Каршы алам, чыгып юлыңа…
Алтын читлек
Читлекләргә кошлар япмагыз сез,
Кош богавы — тимер читлек бит.
Газиз кошкайларга зәңгәр күксез,
Зәңгәр күксез яшәү читен бик.
Алмалар (икенче вариант)
Алмалар үсә икән,
Өзелеп төшә икән.
Алма кебек дуслар барда
Күңелләр үсә икән.
Алмалар (беренче вариант)
Алмагачтан инде коелганнар
Салкын җирдә ята алмалар.
Салкыннарда калган алмалардай
Урамнарда калган балалар.
Алмагач чәчәге
Алмагач чәчәген охшатам
Кызларның иң матур чагына.
Салкын җил, кыраулар өшетсә,
Коела чәчәге, коела.
Акчарлаклы күл
Пар чиләкләреңне чайкый — чайкый
Акчарлаклы күлдән су алдың.
Акчарлаклы күлдән су алганда
Нигә генә сиңа күз салдым.
Нигә генә сиңа күз салдым.
Аккошлар
Көзләрдән соң язлар килми,
Алда — салкын, ак кышлар.
Китәсез дә мени,
Китәсез дә мени,
Китәсез дә мени, аккошлар?
Аккош күле (икенче вариант)
Килде көткән язлар,
Күңел тулы назлар,
Киң аланнар гөлгә күмелә.
Үткәннәрне уйлап,
Бер аз яман сулап,
Килдем әле Аккош күленә.
