Миләшкәем (икенче вариант)
Өй каршындагы миләшем —
Минем якын сердәшем.
Чуалса фикер-хисләрем,
Аның белән сөйләшәм.
Табигать
Миләш (өченче вариант)
Өй түрендә миләш
Иелә җилләр тигәч,
Тәрәзәгә карап кызара.
Өзгәләнмә миләш —
Булчы якын сердәш,
Мәхәббәтен көткән кызларга.
Матур да соң җәйләре!
Якын гына әрәмәдә
Сайрап тора кошлары.
Хөрмәт итеп яшәү язсын
Сезне-якын дусларым!
Ләйсән (икенче вариант)
Ләйсән яңгырлар яуганда,
Бар кешеләр көлешә.
Җирдә бөтен кешегә дә
Көлү шундый килешә.
Ландышлар (беренче вариант)
Тәүге күкрәү белән илһамланып
Эзләгәндә парын язмышлар.
Язгы урман безне кавыштырды —
Хуш ис сибә иде ландышлар.
Көзге ярату
Яңгыр, яңгыр, җылы яңгыр, чәчләр чылата,
Каеннарны чыклар белән, август елата.
Җәй безнең белән хушлаша,
Күңелем минем адаша,
Көзге яңгыр сагышлар ата.
Көзге урман
Көзге урман аша юлга чыктым,
Камышларны үбеп җил уза.
Тирә-ягым сихри моңга талган:
Үзе бер тамаша, могҗиза.
Көзге уйлар
Җилләй-җилләй яфрак коясыз сез
Ерак сәфәр киткән кошларга,
Агачларым, сезнең белән, бергә
Тагын бер кыш безгә кышларга.
Көзге моңнар
Баскан эзләреңне
Таба алмам инде,
Юлларыңа чыгып баксам да.
Яз кайтыр дип көттем,
Ямьле җәйләр үтте,
Гөлләр яфрак койды бакчамда.
Көзге моң (беренче вариант)
Сизелми дә калды җәй узганы,
Күңелләрдә хәзер көз җыры.
Түтәлләрдә гөлләр моңаешкан,
Җиргә ява яфрак яңгыры.
