Мине юллар чакыра
Мине юллар, юллар чакыра…
Чакырган юл якын дус кебек;
Мине якын дусым чакыра икән —
Ерак аралар җирдә юк кебек,
Чакырган юл якын дус кебек.
Наҗар Нәҗми
Өфе юкәләре
Яшьлек урамнары,
Тулы хыяллары,
Без — шатлыкка туймас исәрләр.
Өфе юкәләре
Безнең хакта да әле
Яфрак яра-яра сөйләрләр.
Яфраклар бит коелмаган
Көтмәгәндә җир өстенә
Ябырылды ябалак кар.
Бөгелеп төште каеннар,
Шартлап сынды алмагачлар.
Таулар юлы
Таулар юлын җырсыз үткәнем юк,
Күксел таулар сөя җырларны.
Авырлыкны җырлар җиңеләйтә,
Җыр кыскарта озын юлларны.
Көзге уйлар
Җилләй-җилләй яфрак коясыз сез
Ерак сәфәр киткән кошларга,
Агачларым, сезнең белән, бергә
Тагын бер кыш безгә кышларга.
Кышкы романс (Син — гомер агышларым)
Акты ташып, акты ярсып кар сулары,
Шулдыр инде язның ташып ярсулары.
Акты безнең кар өстендә калган эзләр,
Акты елап, икәү бергә салган эзләр.
Кыш түгел бу
Әйтерсең су чәчәк ата иде,
Тонбоеклар сиңә мин өздем.
Кыш түгел бу…Бозлар тик бүгенгә
Каплап тора кебек күл өстен.
Һиндостан кызына (Мурмурки надек мурмурки*)
Күргәнем юк иде илеңне,
Ишеттем бер синең көйөңне.
Ул көй матур иде, моңлы көй.
“Мурмурки надек мурмурки”.
Дуслык җыры (дүртенче вариант)
Дуслык җыры тынмый яңгырасын,
Җиребезне ай-хак мең урасын
Иң матур җыр бездә — дуслык җырлары, җырлары.
Күңелләрдән күчкән күңелләргә
Җәйгор булып төшкән киң җирләргә
Иң матур җыр бездә — дуслык җырлары, җырлары.
Әткәй йорты (дүртенче вариант)
Тәүге сулыш, тәүге елау,
Әнкәемнең күкрәк сөте,
Тәпәш бер өй, салам түбә,
Учак уты, зәңгәр төтен —
Әткәй йорты.
