Көзге моңнар
Баскан эзләреңне
Таба алмам инде,
Юлларыңа чыгып баксам да.
Яз кайтыр дип көттем,
Ямьле җәйләр үтте,
Гөлләр яфрак койды бакчамда.
Әкрәм Даутов
Ана күңеле
Ничә тапкыр инде
Якты язлар килде,
Ничә тапкыр тамды тамчылар.
Юлларыңа карап,
Көннәремне санап,
Хәбәр көтәм һәрбер юлчыдан.
Өметемне өзмә генә (Гел елмай)
Бер генә елмаеп карадың,
Гомергә калдырдың газабын.
Әниемә хат
Сәлам сиңа, әнием,
Ерак-ерак җирдән,
Сәлам сиңа күңелем түреннән.
Бала чакларымда кысып кочагыңа
Сөйгән улларыңның береннән.
Сагынуларым шулдыр, күрәсең (беренче вариант)
Нинди хәлдер…
Чишмә җырласа да,
Шауласа да Идел камышы,
Ишетелә синең тавышың;
Сулкылдатып йөрәк сагышын.
Ишетелә синең тавышың,
Сулкылдатып,
Сулкылдатып
Йөрәк сагышын!
Чакмагыш
Гашыйк булдым хәтфә болыныңа,
Диңгез кебек бодай кырыңа.
Кайтам әле, шомырт кара күзле
Җилдәй җитез кызыкай кырына.
Йөрмә шаян елмаеп
Бер күргәндә саф мәхәббәт
Вәгъдә итәсең.
Икенчеләй күрмәмешкә
Салышып үтәсең.
Тәвәкәллә
Син бер генә караш салдың миңа,
Йөзең күркәм, тик карашың сүлпән.
Күкрәгендә ялкын саклаганчы,
Тәвәккәллә, тәвәккәллә, тәвәккәллә, иркәм!
Мәхрүм итмә сәлам хатыңнан
Ерак юллар мине ташласа ла
Шаулы диңгезләрнең артына.
Айгөлем, ай нурым!
Мәхрүм итмә сәлам, хатыңнан.
Яшьлек мәхәббәтем хакына,
Мәхрүм итмә сәлам хатыннан.
Көн саен
Көн саен, көн саен
Киләм тәрәзә төбеңә,
Күрәмен гәүдәңне,
Су сибәсең гөлеңә,
Сокланам буеңа,
Тулдың бөтен уйыма,
Калырсың күңелемдә
Гомерем буена.
