Яшь наратлар (беренче вариант)
«Яшь наратлар» көен җырлап киттең
Көмеш кыңгыраулы пар атта.
Озатып кайтам сине, карый-карый
Бөдрәләнеп үскән наратка.
Мәхәббәт
Яшь наратлар (икенче вариант)
«Яшь наратлар» көен җырлап киттең
Көмеш кыңгыраулы пар атта.
Мин сөялеп, озатып калдым сине
Икәү генә белгән наратка (Бөдрәләнем үскән наратка).
Яшь малай мәхәббәте
Басу юлларында чалынды күлмәгең.
Хисләрне сөйләргә ашкынды күңелем.
«Сөям» дип әйтергә ничек мин талпындым.
Йөзем уттай янды, оялып калдым.
Яшь гашыйкларга
Карлыгач канатлы егет,
Сандугач тавышлы кыз.
Кайсы йолдыз асларында
Очрашып таныштыгыз?
Яшиселәр килә (беренче вариант)
Беләсеңме, синең белән җирдә
Гөрләттереп яшиселәр килә!
Сине генә сөеп һәм үзем сөелеп,
Изге җаннар белән тирә-юньдә.
Беләсеңме, синең белән җирдә:
Таңнарымны каршылыйсым килә!
Карашыңны тоеп йөзләремдә,
Барысы да йоклаган иртәдә.
Яшиселәр бар әле (беренче вариант)
Казансуда казлар йөзә,
Тезелгән бәбкәләре.
Миңа чыгарган җырыңны
Күңелдә йөртәм әле.
Яшимен сөеп
Төпсез күзләреңә карыйм
Яратам диеп
Сине генә, сине генә
Яшимен сөеп!
Йөрәгемнән чыккан хисләр
Тәүге хисләрем
Күкрәгемә кысып-кысып
Сөеп иркәлим!
Яшим һаман сине яратып
Синең назлы күз карашың,
Ярымайдай кыйгач кашың
Мәңге яши минем күңелдә.
Чишмә кебек саф тавышың,
Әйтерсең лә язгы ташкын,
Ургып керде йөрәк түренә.
Яшик сөеп, сөелеп!
Синсез булган минутларым
Көннәр булып тоела
Син көнемдә, син төнемдә
Һич чыкмыйсың уемнан.
Яши алырмынмы мин синсез?
Сине күрдем чишмә буйларында,
Болыннардан кайтып барышлый.
Без кавышып, гомер юлларында
Яши алырбызмы ялгышмый?..
