Гомер (беренче вариант)
Артта кала кышның бураннары,
Җанга тигән ачы еллар кала;
Юлда кала яшьлек, яулык болгап,
Гомер дигән пар ат алга чаба.
Тормыш
Гомер (икенче вариант)
Җир җиләккәйләре пеште инде,
Өзелеп тә төшмәс димәгез, —
Ир-егеткәйләрнең яше үтсә,
Бөгелеп тә төшмәс димәгез.
Гомер (өченче вариант)
Бу гомерләр, сиздермичә,
Үтә дә китә икән.
Аның (әгәр) кадерен белмәсәң
Үкенеч була икән.
Газиз халкым
Ачы язмыш йөген сөйри бер мосафир,
Әйтче миңа җирдә яшәү хакын.
Мең кат сорыйм, һаман әле җавап ишетелми —
Нәрсә булды сиңа, газиз халкым?
Бөркетләр
Көнне көнгә яулый алар чакта,
Гомерләре хәрби юлында.
Имин елар, күкләр тынычлыгы,
Ил язмышы — сезнең кулларда
Бәхетсезлек шуннан башлана
Дуслар гына булып очрашулар
Уяттылар сөю хисләрен.
Кавышырга һич тә мөмкин түгел
Сагышланып үтә кичләрем.
Бәхетле гомерләрдә
Гомернең болыннарында күбәләк булып кына,
Тормыш биргән һәрбер көннең
Кунагы булып кына,
Яшисе иде, яшисе иде.
Бәхетле булырга беркайчан соң түгел
Чәчләрне узганнар бәс булып сарса да,
Буыннар кайчакта арыса-талса да,
Һәрвакыт яшь булып калыр күк бу күңел,
Бәхетле булырга беркайчан соң түгел.
Бәхетле булсын һәркем
Тормыш, шатлык, кайгылар да,
Сынаулардан тора гел.
Көннәр төрле булсалар да,
Якын безгә һәр мизгел.
Бәхет сатылмый ул
Һәркемгә бирелә бәхет,
Һәркемнең үз өлеше.
Булмый беркемне гаепләп,
Өлешеңә — көмешең.
