Кеше гомерләре
Кеше гомерләре бигрәк кыска,
Ходай безгә, белмим, нигәдер
Кошлар гомере дә бирмәгән шул,
Яши белсәң җитәр дигәндер.
Кеше гомерләре бигрәк кыска,
Кадерләрен биктә беләрлек.
Һәр сәгате аның санаулы бит,
Һәр сәгате үзе гомерлек.
yun_11
Кеше сүзе
Белсәк тә без янәшәдә
Җиде ятлар йөргәнне
Сизми калдык арабызга
Кеше сүзе кергәнне.
Кеше юлга чыкса…
Кеше юлга чыкса, икмәк теләп
Калдыра, ди,
Ишек өстендә.
Аннан инде ничек кайтмый калсын,
Аны өйдә ризыгы көтсен дә…
Кем син?
Син көтмисең минем килүемне,
Ә килгәндә кумыйсың…
Мин дә сине сагынмыйм шикелле,
Ләкин онытылмыйсың.
Каршы аласы бар көзләрне
Үтми тор әле яшьлегем,
Хушлашмыйк, әле иртә.
Сүнмәде бит яшьлек дәрте,
Һаман күңелне чиртә.
Картаясы килми
Үтми тор әле яшьлегем,
Хушлашмыйк, әле иртә.
Сүнмәде бит яшьлек дәрте,
Һаман күңелне чиртә.
Картаябыз инде димәгез
Картаябыз инде димәгез!
Гомер үтә диеп көймәгез!
Балаларны күтәрешеп,
Оныкларны үстерешеп,
Яшәгез яратылып, сөеп,
Картаерга вакыт юк диеп!
Картаймыйк без!
Хазер миңа ил агасы, диләр,
Узган еллар — йөгерек агын су.
Яшьлек язым ерагайган саен
Күңелләрдә нигә ямансу?
Капкам
Җилфер-җилфер искән җилләр,
Җил капканы җимергән.
Теләп алган каза түгел,
Җил хәлләрен кем белгән?
Ник аларсың һаман артса
Җил җимергән капкалар.
Җил җимергән капкаларны
Кемнәр кайтып каккалар?
Калыр идем
Кошлар китә, көзләр җиткәч,
Читтә кышлау — алар булмышы.
Кешеләр дә китә җирдән,
Соңгы тапкыр алгач сулышын.
