Кайтырсыз әле бер
Читләргә китәсез —
Ник алай итәсез,
Үзәкләрне нигә өзәсез?
Сез кайсы илләрдә,
Сез кайсы җирләрдә,
Сагынмыйча ничек түзәсез?
Роберт Миңнуллин
Каеннарым
Каеннарым киткән саен (чакта),
Миңа кул изәп кала,
Авылымның тирә ягын
Каеннар бизәп кала.
Каеннарым киткән саен (чакта),
Миңа кул изәп кала (Моңаеп карап калам).
Кайгыларны, хәсрәтләрне
Каеннар урлап ала.
Кадерем-кадерлем
Авылыма кайтмый торсам,
Өзгәләнә бәгырем.
Өзгәләмә, телгәләмә
Бәгыремне, Кадерем.
Рамбар юллары
Сиңа барыр юлларыма
Кар ява бурап-бурап.
Рамбар юллары бик ерак,
Көтәсең микән елап?
Каеннар арасында
Ак каеннар арасына,
Ак каеннар янына
Кереп киттең син йөгереп,
Әй кагына-кагына.
Сылу сының, ак күлмәгең —
Син аклыкка күмелдең.
Күзләремә син үзең дә
Каен булып күрендең.
Кабатланмас яшьлек
Әллә инде яшьлек кабатланмас,
Кире кайтмас гүзәл чор микән?
Искә төшкән саен, бәгырьләрне,
Үзәкләрне өзәр җыр микән?
Соңдыр шул, соңдыр
Тилмереп көткән
Яшьлекләр үткән.
Оныткансыңдыр
Син мине күптән.
Син үлгәнче мине сагынырсың
Син үлгәнче мине сагынырсың,
Күз алдыңнан китмәм гомергә.
Минем сөю якты хәтер булып,
Синең белән йөрер гел бергә.
Син эзләмә мине
Син эзләмә мине шаулы урамнардан,
Мин килеп чыгармын көзге томаннардан.
Син эзләмә мине күзләп язлар ягын,
Мин табигатьнең кышка атлаган чагы.
Мәхәббәтне язлар алып килде
Кышлар буе көттем, белгән кебек
Ак канатлы парлы төркемне.
Сине миңа язлар алып килде
Яз кошлары белән бер көнне.
