Агым су (беренче вариант)
Агым суның буйларында
Матур кырлар, урманнар.
Шул кырлар да тырышып эшли
Безнең дуслар, туганнар.
Агыла да болыт агыла… (беренче вариант)
Агыла да болыт агыла
Таулар аша авылым ягына.
Тәрәзәгә чиртер дә яңгыр
Нәрсә әйтер туганнарыма?!
Агыла да болыт агыла… (икенче вариант)
Агыла да болыт агыла
Туган-үскән җирләр ягына.
Тәрәзәгә чиртер дә яңгыр
Нәрсә әйтер туганнарыма?!
Агыла да болыт агыла.
Агыйдел буйлары
Агыйделнең пароходы,
Кычкырта сузып-сузып.
Ургылып аккан сулардай,
Гомерләр бара узып.
Агыгыз сулар кирегә (Ага сулар)
Ага сулар, ага сулар,
Ага сулар туктамый.
Гомер үтә, йөрәк көтә,
Кавышырга җай чыкмый,
Агач яфраклары
Төрле төстә көзге яфраклар,
Яшеле бар яшьлек төсендә.
Яшьлекнең дә гомерләре аз,
Булсын иде яшьләр исендә.
Ага чишмә…
Үзем су алам икән,
Үзем юанам икән.
Карыйм, карыйм,
Һич табалмыйм,
Нигә соң янам икән?
Ага чишмә
Үзем су алам икән,
Үзем юанам икән.
Карый, карый,
Һич табалмыйм,
Йөрәгем яна микән?
Авылым каеннары (беренче вариант)
Каеннарга мин сөялдем,
Кайгыларны сөйләдем.
Бу дөньяда синнән башка
Беркемне дә сөймәдем.
Абага чәчәге (икенче вариант)
Абага чәчәге хыялда гынамы,
Әллә соң ул чәчәк чынында буламы?
Буладыр, тик кайда
Икәнен кем белә,
Яшергәндер аны
Караңгы төн генә.
