Ах, чишмәкәй!
Туган телләремдә җырлый-җырлый
Чылтырап аккан чишмә буенда,
Талир тәңкәләрен чылтыратып,
Әнкәм йөргән төсле тоела.
Илсөяр Ганиева
Агыйделдә берәү керләр чайкый
Агыйделдә берәү керләр чайкый,
Озын толымнарын чылатып.
Сөйгән яры киткән еракларга,
Агыйделкәй сылуын елатып.
Йөрәк сере
Давылларда очты ал яулыгым, Бәлки, табалырсың ишкәен. Яшьләй сөйгән ярым ятка калды, Әйтегезче, дуслар, нишләем? Аның йөрәге дә юксынудан Сызланадыр кебек гомергә. Ара ераклаша, тик нигәдер Кавышырбыз кебек күңелгә. Ник моң булып кердең тормышыма, Нур сипмәгәч таңнар аткандай? Әмма сүнмәс рухым һаман көчле, Дәрья суы ташып аккандай.
Еллар аша
Мең упкыннар кичеп сиңа кайттым,
Киң дарьялар аша ашкынып.
Кайттым кичеп сиңа еллар аша,
Дулкын-дулкын сагыш ташкынын.
Кайтыгыз, торналар
Күл карап озатты
Торналар китүен;
Сагынып көтә ул
Кабат яз җитүен.
Дусларым (икенче вариант)
Көзге җилләр ачы була диеп,
Курыкмаслар асыл кошларым.
Җилләр исә диеп, камыш булып,
Сыгылмасалар минем дусларым.
Ник соңладың?
Таң алдыннан бер сандугач сайрый,
Дуска тиңләп ялгыз тирәкне;
Нигә соңлап килдең, сандугачым (асыл кошым),
Дулкынлатып моңсу йөрәкне?
Кайтырмын
Бер кайтырмын туган якларыма,
Искән җилләр булып кайтырмын.
Урал буйларыннан гүзәл җирне
Табалмадым диеп әйтермен.
