Шук малайлар
Үсмер чакта без кичләрен
Атлар көттек яланда.
Бергәләп учак ягулар
Хәтерләрдә һаман да.
Еллар узган, йөрәк тузган,
Шук малайлар кайларда?
Сагынып шушы чакларны
Урап кайтам уйларда.
Сагыну
Шомырт чәчәкләре хәтерле
Онытырга сине теләсәм дә,
Оныталмыйм, нигә, әйтимме?
Шомырт чәчәкләре сине хәтерләтә,
Шомырт чәчәкләре хәтерле.
Шаулама син, кара диңгез
Шаулама син, Кара диңгез,
Хәтерләтеп үткәннәрне,
Хәтерләтеп сөйгәннәрне
Һәм сөелми киткәннәрне.
Хәтерлисең микән ул төнне?..
Ай нурында икәү су кердек,
Кул тотынып ярдан сикердек.
Колач җәеп җиңдек дулкынны.
Хәтерлисең микән ул төнне?
Чаган (Өрәңге)
Күрә күктән көзге кояш:
Боега бер карт чаган.
Бар яфрагын койса да ул,
Оч яфрагын саклаган.
Чакмагыш
Гашыйк булдым хәтфә болыныңа,
Диңгез кебек бодай кырыңа.
Кайтам әле, шомырт кара күзле
Җилдәй җитез кызыкай кырына.
Чаллы сиреньнәре
Якты урамнары,
Чәчәк бураннары,
Тальян моңы китә еракка…
Чаллы сиреньнәре,
Айлы ак төннәре
Сөю бүләк итте йөрәккә.
Чаралар юк язмышларга
Исеңдәме, ямьле язда
Сокланыштык йолдызларга.
Тиңдәшләр идек пар былбылларга,
Гашыйклар идек дөньяга.
Чатырлар
Далаларда чатыр корыр идем,
Яннарында учак ягар идем.
Далаларда чатыр корды ятлар.
Чатыр яннарында кешни атлар.
Күн иярләр түзми шәп атларга.
Йөрәк ничек түзсен еракларда?!
Үпкәләмә (өченче вариант)
Үпкәләмә миңа, үпкәләмә,
Үпкәлә син көзге җилләргә.
Миңа кала бары сагышлысы, —
Уйларымны җилләр җилгәрә.
