Бергә яшәүләре — бүләк
Һәр кемнең дә газиз баласы бар,
Олысы бар аның, кечесе.
Һер кемнең дә газиз анасы бар,
Атасы бар, таяныр кешесе.
Тормыш
Бу дөньяда
Бу дөньяда төрле хәлләр
булганын да истә тот.
Дошманның да дуслары бар —
серләреңне эчтә тот!
Бу дөнъяда
Бу дөнъяларда без мәңге түгел,
Язын гына үскән гөл кебек.
Яшәр өчен дускай гомерләрдә
Кояш китмәс якты көн кебек.
Бу гомер (беренче вариант)
Узып кына барган бу гомернең
Кире кайтмаслыгын мин беләм.
Ә шулай да артык пошынмыймын,
Үз юлымнан һаман мин киләм.
Бу гомер (икенче вариант)
Әйтерсең дә безгә санамыйча, Үлчәмичә гомер бирелгән. Яшьлегемдә син кадерле бүләк, Аермасы язмыш ярымнән. Җандай дуслар белән бер сөйләшсәм, Кайгыларым була көл-күмер. Өлгермибез,вакыт җиткермибез Әйтерсең дә ике бу гомер. Учларга утын өстик әле без, Ялкынланып янсын күмерләр. Бездән соңда язлар килә Кабатланыр җырда гомерләр. Җандай дуслар белән бер сөйләшсәм, Кайгыларым була көл-күмер. Өлгермибез,вакыт җиткермибез Әйтерсең … Читать далее
Борынгы җыр
Елтыр да гына елтыр ут күренә —
Юлаучынан калган күмер.
Җырсыз яшәүләрнең юктыр яме —
Җырлап яшәүләре бер гомер.
Урал каялары югары,
Сездән артык дустым юк әле.
Бирешмәдем
Агым моңгаена түгел,
Каршысына да йөздем.
Юллар уздым, илләр гиздем,
Түзәлмәстәйгә түздем
Берләшик
Җитмәде безгә һич бердәмлек,
Баш булды безгә гел таркаулык.
Мең җирдә мең учак пыскыды
Мең дулкын булып без вакландык.
Бер киртә дә безгә чыдамас,
Дулкын тау булып без берләшсәк.
Җилләр тик көч-куәт өстәрләр
Бер учак булып без дөрләсәк.
Бер санасаң — исләрең китәрлек…
Бер санасаң — исләрең китәрлек: борылмалы юлларда
Ничә төннәр йокысыз үткәннәр бик санаулы елларда.
Ничә тапкыр ялгышлар эшләнгән, ничә тапкыр алданган,
Ничә тапкыр, бозларга таянып, дусларга ышанылган…
Ничә тапкыр, бозларга таянып, дусларга ышанылган.
Бер вакыт кына
Чәчәкләрнең аткан чагы — бер вакыт кына.
Еллар мизгелләре үтә — бер вакыт кына.
