Кил миңа
Әгәр сиңа килер юл булмаса,
Киек каз юлыннан кил миңа.
Киек казлар сиңа юл бирмөсө,
Җилләр булып исеп кил миңа.
yun_11
Кил син миңа (беренче вариант)
Кышлар салкын димә, кил син миңа
Сагынганда бергә чакларны.
Җылы тыным белән эретермен
Чәчләреңә кунган ак карны.
Килер булсаң, соңлама
Тормыш юлын бергә үтәр өчен,
Мәңгелек яр, юлдаш, пар кирәк.
Ялгызлыкка түзми әрнеп яна,
Ялгыз яна яралы йөрәк.
Килерсең кебек яныма
Сер сөйли урман офыкка,
Башын куеп иңенә.
Янымда сөйгәнем юкка,
Сөйли алмыйм мин генә.
Кайтырсыңмы син дә
Киек казлар оча каңгылдашып,
Түшләренә җилләр урала.
Сагынулары каурый-каурый булып
Ятып калды безнең урамда.
Калдырдың да киттең
Калдырдың да киттең,
Мине ятим иттең.
Карамадың кире борылып.
Сине искә алам,
Шуннан ләззәт табам,
Эзләреңә атлыйм орылып.
Кара мәче
Сөюдән ашкынып,
Йөргәндә очынып,
Аермыйча акны карадан.
Йөрәккә шик салып,
Сине миннән алып,
Кара мәче үтте арадан.
Карап калам кошлар артыннан
Көзләр җиткән чакта язын безгә кайткан
Очар кошлар юлга җыена.
Зарыгып кына көткән бәхетемне алар
Алып китә төсле тоела.
Зарыгып кына көткән бәхетемне алар
Алып китә төсле тоела.
Каратамак чишмәсе
Каратамак, Каратамак,
Күрергә күзгә кечкенә.
Ләкин башка чишмәләрдән
Ким түгел син һич кенә.
Карганмыйм язмышка
Ишекне син яптың,
Башканы син таптың.
Мин көтәрмен диеп уйладым.
Ялгызлык бик яман,
Тик мин ялгыз калмам,
Тормышымнан мин әле туймадым.
