Зәңгәр күз (икенче вариант)
Зәңгәр күзең, күз керфегең
Тибрәндәреп карама.
Күз карашың ук шикелле
Йөрәгемә казала.
Зәңгәр күзләр, бөдрә чәчләр —
Алар безгә тиң түгел.
Тиң түгелен мин дә беләм.
Өзлеп сөя яшь күңел!
Зәңгәр күз (беренче вариант)
Зәңгәр күзең, күз керфегең
Тибрәндереп карама.
Күз карашың ук шикелле
Йөрәгемә кадама.
Зәңгәр болыт
Таңда сөләдем серемне
Күзен ачкан гөлләргә.
Җил булып сибелсен хисем,
Барып җитсен сөйгәнгә.
Зәлилә (икенче вариант)
Кашың кара, кашың кара,
Кашыңа күз тимәсен;
Кашың кара, буең зифа,
Сине кемнең сөймәсен!
Зәлилә (беренче вариант)
Зәңгәр чиләк матур була
Су белән тулса гына.
Ярны сөюе күңелле
Сүзендә торса гына.
Зәйтүнәм
Мин бит сине, мин бит сине
Һаман яратам.
Тавышыңны былбылларга
Мин бит охшатам.
Мин дә җырлыйм, мин дә сайрыйм,
Сиңа кушылып,
Күңелеңә кереп кунып,
Сайрар кош булып.
Зәйтүнә
Зәйтүнәкәй, бик матурсың,
Йөзең алсу таң кебек.
Ай-ли, Зәйтүнә,
Йөзең алсу таң кебек.
Кашың карлугач канаты,
Буең зифа тал кебек,
Ай-ли, Зәйтүнә,
Буең зифа тал кебек.
Зәйтүнгөл
Бер үк сукмаклардан йөрегәнбез,
Бер чишмәнең суын эчкәнбез.
Зәйтүн гөл
Яз да яшел,
Көз дә яшел
Зәйтүн гөл.
Яфрак коймый,
Һич коромый
Үсә гөл.
Зонтик
Егет:
Әй ява яңгыр, әй ява яңгыр,
Ә синең исең китми бернигә.
Әй, чибәр туташ, зонтик астына
Сыендыр әле мине дә.
