Туган телдә дәшсәм генә…
Каршы ала туган якта
Тургай тавышы.
Бары тургай аңлый бугай
Минем сагышны.
Сайра, тургай, мәңге сайра, —
Аңлыйм телеңне.
Син сайрасаң, дөнья ямьле,
Яшәү күңелле.
Туган туфрак (икенче вариант)
Кәккүкләр моңая таң саен,
Ялгызның язмышы яман, дип.
Син кайсы йолдызлар астында
Йөрисең, бәхетләр табам, дип?
Туган туфрак (беренче вариант)
Чылтыр-чылтыр аккан чишмәләрем,
Сабый чактан кергән моңнарым.
Шушы изге җирдән атлап киттем
Матурлыгын тоеп дөньяның.
Туган ягыбыз — Биләр
Урманга бай, кырларга бай
Туган ягыбыз — Биләр.
Бездә үскән егетләрне
Арыслан кебек, диләр.
Туган ягым (беренче вариант)
Тарта уйлар, тарта хисләр
Балык Бистәм ягына.
Күңелдәге татлы сусау
Моңнарымда чагыла.
Туган ягым (дүртенче вариант)
Туган ягым, синдә үтте минем
Гомеремнең гүзәл чаклары.
Йөрәгемдә әткәй-әнкәй назы,
Күңелемдә яшьлек моңнары.
Туган ягым (өченче вариант)
Алан чәчәкләре кызынгандай,
Кояш сибкән алтын таузанда,
Күңелем дә җәйгор биеп китә,
Тик бер генә җырлап узсам да.
Туган ил (беренче вариант)
Китми күңелемнән минем һич
Шул сөекле илкәем.
Анда минем сөйгән халкым,
Анда сөйгән әнкәем.
Туган илем (икенче вариант)
Туган илем — шиңмәс гөл бакчасы,
Нинди җылы синең язларың.
Чәчәкләр уяна,
Күңелләр куана,
Җирне ямьли Урал тауларың,
Мәңге балкысын таңнарың.
Туган йорт
Без сатмадык әти-әни йортын
Ызгышмадык дөнья бүлешеп.
Анда безнең әниебез яши,
Җыелабыз хәлләр белешеп.
