Беренче мәхәббәт урамы
Чакыра язмышым авазы…
Кайларга илтәсез, юлларым?
Ашкына ал кояш артыннан
Бәхеткә сусаган елларым.
Биектавым, онытмамын…
Биектауның, һай, таулары,
Тау астында таллары.
Җаны барлар шул талларны,
Таллардагы былбылларны
Ташлап китә аламы?
Биектауның болыннары,
Басулары, кырлары…
Кырларына зәңгәр күктән
Көмеш тәңкә чыңы булып
Сибелә тургай моңнары.
Биектауда — уйларым
Биектау — Казан артында,
Юктыр күрми киткәннәр.
Монда чәчкәләр дә безнең
Очрашуны көткәннәр.
Бик еш кайтам
Бик еш кайтам туган якларыма,
Кар-буранын хәтта сагынып.
Юл төтмәсә, хыялымда кайтам,
Кайтам болытларга сарылып,
Туган ягым сине сагынып.
Бик сагындым сине, Туган илем
Бик сагындым сине, Туган илем,
Кайтыр юллар әле төшмәгән.
Газиз әнкәемнең учагында
Мин ашыйсы ашлар пешмәгән.
Бик сагындым туган якларымны
Бик сагындым газиз әнкәемне,
«Улым» диеп әйткән сүзләрен.
Сагындым мин якын дусларымның,
Якташларның көләч йөзләрен.
Сагындым мин якын дусларымның,
Якташларның көләч йөзләрен.
Бик сагындым, авылым (Хәтер)
Туган як, көн саен
Искә төшәсең;
Күңелемнән чыкмыйсың,
Төшкә керәсең.
Бисмиллалы моңлы Казан
Күлмәгең ак, күңелең пакъ,
Түбәтәең чигүле.
Чит итмисең, үз итәсең,
Дус итәсең син һәр кемне.
Бишмәтемдә биш төймә
Бишмәтемдә биш төймә
Нигә төймәләмисез?
Арабыз да ерак түгел,
Нигә килгәләмисез?
Без — татарлар
Безнең татар — җырлы-моңлы халык,
Җыр-моң сеңгән безнең каннарга.
Җәлилләрең дарга барганда да,
Онытмаган соңгы дога итеп
Иң-иң моңлы җырын җырларга.
