Хатыннар күңеле
Авыр чакта таяныгыз
Сез хатыннар күңеленә.
Ышанырсыз — хатыннарның
Күңеле таш түгеленә.
Дуслык
Фәрештәң булыр идем
Сөйгән ярың булалмадым,
Үтеп китте бу гомер.
Дус-ишләрем күп булса да,
Кем кадерен кем белер?..
Фәйрүзәкәй
Безнең кызлар эшкә бара,
Алсу таңнар атканда.
Җырлый-җырлый кайта алар,
Җәйге кояш батканда.
Ирекле кош
Ирекле кош күктә сайрый,
Бөтен җиhан көч-дәрт ала.
Башкаларны шатландыру,
Үзенә ул бәхет аңа.
Гафу итәрсең микән?..
Йөрәгемә салкын карлар ява,
Авыр башым түбән иелә.
Иңнәремә хаталарым өчен
Үкенүләр таудай өелә.
Бәхетле булыгыз, дусларым
Күңелемә моң тулган, җыр туган чакларда
Ашкынам тик сезнең якларга.
Күкрәгем тарсына, йөрәгем ярсына,
Ярсына сез дуслар каршына.
Бәхетле булыгыз!
Әгәр сез ир-егет икән.
Эш тотсын кулыгыз.
Кулыгыздан килгән кадәр
Игелек кылыгыз.
Бәхет дагасы
Иярле ат, кыңгыраулы дуга
Безнең яшьлек, яшьлек иртәсе.
Шул атларга утырып, сөйгән ярың белән
Еракларга килә китәсе.
Шул атларга утырып, сөйгән ярың белән
Еракларга килә китәсе.
Бәхет (җиденче вариант)
Бәхет өчен бик күп кирәк түгел,
Бер җылы сүз җитә кешегә.
Авыр сүздән кала моңсуланып,
Йөрәк әрни, күңел күшегә.
Ай, дуслар
Алга дибез, алга атлыйбыз,
Алга таба барабыз.
Алга барырга кушкан бит
Безгә Ленин бабабыз,
Алга барырга кушкан бит
Безгә Ленин бабабыз.
