Сөбханалла
Өйда бүген зур тантана,
Һәрбер йөздә шатлык яна.
Аяклары җиргә тими —
Биеп йөри ата-ана.
yun_11
Сәлам
Сәлам бирәм сезгә,
Сәлам алам сездән,
Дуслар сәламләшик без!
Сәлам биреп, сәлам алып,
Исәнләшеп без яшик (яшикче)!
Сәер кеше
Йолдызларны күзли ул,
Күктән нидер эзли ул,
Әйтерсең: юк бүтән эше.
Саный яңгыр тамчысын,
Татый әрем ачысын
Гади генә сәер кеше.
Сулар ага
Сулар ага, сулар ага,
Кар суларыдыр.
Бу җырларым йөрәгемнең
Ярсуларыдыр.
Сукыр шагыйръ
Сукыр шагыйръ шигыръ яза,
Өстәлендә шәме юк.
Йоклый бу дип китәләрдер,
Күзлеләрнең гае юк.
Сугыш ялкыны
Соңгы тапкыр кичә көлде дөнья,
Соңгы тапкыр кояш балкыды.
Таң атмады бүген, таң атмады,—
Алды җирне сугыш ялкыны.
Соңлаган җыр
«Мине сөйсәң, бер җыр чыгар!» — дидең
«Йөрәгеңдә матур җыр тусын».
«Тик соңлама, — дидең, — айрылганда
Миңа килер юлың уң булсын».
Соңгы өмет
Ямансулап тыңлыйм елап очкан
Яфракларның серле тавышын.
Көзләр сагышлымы, әллә инде
Ямансумы гомер агышым.
Соңгы димә
«Соңгы чәчәк, соңгы гөлләр», — димә?!.
Тик быелга алар соңгысы…
Кышлар үткәч, яңа язлар килер,
Гөлләрнең дә булыр яңасы.
Солдатта булган, диләр…
Билен кысып буган, диләр,
Бигрәк уңган, диләр;
Әллә каян күренеп тора —
Солдатта булган, диләр.
