Гармунчы дустыма
Кичке урам буйлап сихри көй агыла,
Үзәкләрнең өзелә кыллары.
Оста гармунчылар булган һәр авылда
Мәңге яшәр татар җырлары.
Гармунчы бәхете
Аклы ситсы күлмәк кисәң,
Килешәдер ак батист;
Егет булса, шундый булсын:
Я гармунчы, я артист.
Гармунчы булсаң иде
Начар егеттән түгелмен,
Сөйгәнем дә бер дигән,
Тик көнләшәм азырак кына
Гармунчы Галәвидән.
Гармунчы булмасамда
Мин дә гармунчы малае,
Миңа да гармун таныш.
Җанымны ташлый актарып,
Гармуннан аккан тавыш.
Гармунчы (икенче вариант)
Эх, гармуның, гармуныңда
Гармуныңның тавышы!
Уйна дәртле, шат-көйләрне,
Бетсең йөрәк сагышы.
Гармунчыга (беренче вариант)
Гармуныңны уйныйсың да
Тәрәзәмнән үтәсең:
Күз карашларың бик матур,
Үзәгемне өзәсең.
Гармунчы (беренче вариант)
Нихәл итим, гармунчыбыз
Гашыйк булды үземә;
Гармун уйнарга онытып,
Карап тора күземә.
Гармункаем, дускаем
Бүген минем туган көн,
Тугыз яшем тулган көн.
Кунаклар килде безгә,
Күңелле өебездә.
Кунаклар миңа бүген
Гармун бүләк иттеләр.
Гармунчы булып үс, дип,
Теләк теләп киттеләр.
Гармун, гармун
Гармун, гармун, гармуннарның
Алтын-көмеш телләре.
Урамнарда берәү йөри,
Абау ла, гармуннары.
Ник моңая гармуннары,
Әллә бармы моңнары?
Гармун, гармун,
Гармун, гармун, шул.
Гармун уйныйм мин
Балачактан гармун уйнап,
Җырлап үстем мин.
Җитмәсәмдә озын буйга
Аптырамим мин.
