Яңа ел төне
Гомер йомгагы өзелмәс төсле,
Ай да яктырта нурланып күкне.
Нигә соң, нигә моңаям икән,
Җиткәндә елның иң соңгы төне?
Яңа ел алдыннан
Нинди матур һава,
Тәңкә карлар ява,
Карлар ява зәңгәр күкләрдән.
Тияр-тимәс,
Тияр-тимәс кенә,
Кыяр-кыймас,
Кыяр-кыймас кына
Кар бөртеге үбә битләрдән.
Яңа ел (өченче вариант)
Яңа елда җанны пакьлек бизи,
Ак карлардан күзләр чагыла.
Көтелмәгән ак бәхетләр килеп,
Тартып алыр кебек янына.
Йолдызлардан энҗе бер коелып,
Ак чәчәкләр иңгә кагыла.
Яңа елда татлы хис уянып,
Күңелләргә назлар агыла.
Яңа ел (дүртенче вариант)
Ап-ак карлар ява җиргә,
Энҗе бөртекләрен сибә.
Яңа елның бизәкләре
Бәйрәм төсе тәрәзәдә.
Яңа ел (икенче вариант)
Бар җиһанга бәхет теләп
Җирнең шары әйләнә.
Әткәй — әнкәй туганнарың,
Җан дусларың эргәдә.
Яңа ел (бишенче вариант)
Якынлаша Яңа ел,
Дулкынлана йөрәкләр.
Озатып кала иске ел,
Теләп изге теләкләр.
Килгән дуслар, туганнар,
Күмәкләшеп тулганнар.
Яшьлек туе
Сөйгәненә яшь егет
Алтын балдак кидерә.
Сөю тулы карашы
Көйдерә шул, көйдерә.
Язлар җиргә җиңү алып килде
Итек белән таптап солдат үтте
Европаның канлы тузанын
Ирек яулап яуда калды солдат
Бөеклеккә илтеп ил данын
Ватанымның батыр бөркетләре
Россиямнең батыр уллары
Татарстан дигән гүзәл җирнең
Курку белмәгән лачыннары
Эй, Яңа ел, Яңа ел
Эй, Яңа ел, Яңа ел,
Әйләндерә җир шарын,
Килеп җитәр буранлап
Онытмыйча без барын.
Эй, Яңа ел, Яңа ел,
Әйләндерә җир шарын,
Шатландырып халыкны,
Килеп торсын ел саен!
Туйлар гөрли
Туйлар гөрли! Менә бәйрәм бүген
Ике гашыйк ярлар кавышкан.
— Мин яратам сине бердәнберем!
— Мин яратам сине җанашым!
— диеп алмашалар балдакларны
Вәгъдәләр әйтәләр, вәгъдәләр.
Пар балдаклар кигән яшь парларны
Туганнары тәбрик итәләр.
