Юрүзәндә бер гүзәл
Таулар, кыялар, болын, тугайлар —
Ямь өсти сиңа иртән, Юрүзән.
Суларың эчкән, тавында үскән
Гөлләрдән күркәм синдә бер гүзәл.
Юрүзән
Таулар, ташлар ярып борылып-борылып,
Юрүзәнкәй бик шәп агасың;
Көчле гайрәт белән дулкыныңны
Биек ярларыңа кагасың.
Эх, Идел буйлары
Кара бөдрә чәчләремне
Тарасам да — үрәмәдем.
Тауга менеп, ташка басып,
Карасам да — күрмәдем.
Ык буйлары
Бик сагындым Ык буйларын,
Ашыгып аккан суларын;
Ык сулары басар төсле
Йөрәгем ярсуларын.
Шәһәрдә җәй
Кояшлы иртә,
Кояшлы көннәр.
Шәһәрдә кызу,
Кайда соң җилләр?
Шәһәрдә җәй, шәһәрдә,
Шәһәрдә җәй.
Түбәләр кыза
Һәм юллар кыза,
Һәм машиналар
Бер-берсен уза.
Шәһәрдә җәй, шәһәрдә,
Шәһәрдә җәй.
Шушы язгы мизгелдә
Тып — тып итеп
Тыпылдап,
Чылтыр — чылтыр
Чылтырап,
Биек йортлар түбәсеннән
Боз сөңгеләр коела.
Шушма суы
Шушма суы—бормалы су,
Ярларында — тал-тирәк.
Бер кыз җырлый әрәмәдә —
Ничек түзсен яшь йөрәк.
Шомыртым
Өй артында шомыртым бар,
Яннарында бөрлегән шул,
Яннарында бөрлегән.
Сине сөям, сине көтәм,
Син бит минем бер генәм.
Шомырт чәчәкләре ак кына
Бакчаларга тулган шомырт исе
Тәрәзәдән кергән өйләргә.
Исереп бер шомырт исләреннән,
Исереп бер яшьлек хисләреннән,
Җырлыйк әле шушы көйләргә…
Шомырт чәчәкләре
Тын елгада ялгыз ай шәүләсе
Давыл да юк, исми җилләр дә.
Күңелемдә шомырт чәчәкләре
Хәтер кебек ярсып тибрәнә.
