Язлар кайтты
Синең белән язлар кайтты миңа,
Җырлар килде язлар артыннан.
Гел башкача ачылып китте дөнья,
Гел башкача көнем балкыды.
Язлар булып кил син
Карлар явып китте,
Кышлар инде җитте —
Кыр казлары очты күлләрдән.
Йөрмә янып-көеп,
Гөлләр сулды диеп,
Язлар яме янсын күзләрдә.
Язгы яңгыр
Үтәр әле кышлар да,
Килер сагынган язлар.
Кояш нурыннан алда,
Болыннарымны назлар.
Язгы хисләр (беренче вариант)
Яратам язларның
Шау-шулы ярсуын.
Иртәнге таңнарның
Балкуын, алсуын.
Яратам суларның
Ярлардан ашуын,
Көз киткән кошларның
Янадан кайтуын,
Яңадан кайтуын.
Язгы ташу
Канат какты гомер,
Җилкендерә җанны
Язгы җырларында.
Сокландык без, карап,
Язның бозларына,
Язның суларына.
Язгы сулар
Яз килгәнен сизмәдем дә,
Кыш-суыклар үткәнен.
Аптырап калдым күргәнемдә
Инде язлар килгәнен.
Агымсулар чылтыр-чылтыр
Ярларына кага-кага.
Күңелемдә яз моңнары
Ташкыннарның тавышлары.
Язгы моң
Чит җирләрдән, илен сагынып,
Тургайлар кайтты инде;
Тургай күк талпына күңелем —
Моңнарым артты инде.
Язгы матурлык
Чәчәккә күмелде, күмелде
Шомыртлар, сиреньнәр.
Җаннарны сихерли, сихерли
Туган җир, синең ямь!
Яз җыры (икенче вариант)
Яфрак яра чуклы каен,
Татлы исен сибеп,
Бөреләрен ачты гөлләр,
Язгы тынны сизеп.
Яз җыры (беренче вариант)
Җылы нурлар җир өстеннән
Бөркелә-бөркелә,
Йөрәкләрне җилкендереп,
Яз килә, яз килә.
