Унҗиде яшем
Язгы хис белән йөрәк серләшә,
Каеннар шавы — киләчәк дәшә.
Кулда — таныклык, чәчәк бәйләме,
Бу безнең яшьлек, язмыш бәйрәме.
Мансур Шиһапов
Сынмадым-сыгылмадым
Кыр казлары күк тезелеп,
Белми барыр юлларын.
Кайда илтеп куйдың язмыш
Илнең гүзәл улларын?
Кемнәр сатты, кемнәр атты
Татар зыялыларын?
Яшьлек эзләре (беренче вариант)
Җил белән серләшкән каеннар
Яңарта яшьлегем хисләрен.
Шомыртлар ак шәлен ябынгач
Сагынам авылым кичләрен.
Сагынам, өзелеп сагынам,
Ялкынлы яшьлекнең эзләрен.
Яз җыры (беренче вариант)
Җылы нурлар җир өстеннән
Бөркелә-бөркелә,
Йөрәкләрне җилкендереп,
Яз килә, яз килә.
Аккош белән серләшү
Язгы таңда күңелемдә калды
Ялгыз очкан аккош тавышы,
Аккош мине яшьлегемә илтте,
Уртак диде йөрөк сагышы…
Аккош өмет өзми,
Яшьлек ярын эзли
Олы хисләр уртак түгелме?
Син дә ялгыз аккош,
Мин дә ялгыз аккош,
Кем юатыр безнең күңелне.
Әйләнеп кайтыгыз
Агыла тын гына,
Җыр булып моң гына,
Кемнәрдер кайларга китәләр…
Сагыштан янганнар,
Яшьләре тамганнар
Юлларда өзелеп көтәләр.
Җиңү көне җиңел бирелмәде
Яшь каеннар яфрак ярган таңда
Яшь каендай яп-яшь егетләр.
Ил бурычын иңнәренә асып,
Ут эченә яуга керделәр.
Өлешемә дигән көмешем
Таллыктагы ялгыз сандугачның,
Язгы җырын тыңлам юанам.
Әй, өлешем, чишмә ярына кил,
Көмеш сулар булып мин агам.
Төшләремә кереп иркәлә
Язгы таңда чишмә тавышыннан
Атам сулышыдай моң килә.
Сабый бала чагым…
Данлы җиңү көне —
Искә төшсен тагын,
Әткәй, бәгърем, бер кат,
Бары, бары бер кат
Төшләремә кереп иркәлә.
Яшьлегем эзләре
Җил белән серләшкән каеннар
Яңарта яшьлегем хисләрен.
Шомыртлар ак шәлен ябынса,
Сагынам авылым кичләрен,
Сагынам, сагынам өзелеп,
Ялкынлы яшьлегем эзләрен.
