Илче Гайса (Гайса Ахун)
Адаштырган болан баласыдай,
Ялгыз башым читтә интегәм.
Көннәрен дә төнен йөрәгем яна,
Исемә төшә туган илгенәм.
Илкәем
Китми күңелемнән минем һич
Шул сөекле илкәем;
Анда сөйгән ярлы халкым,
Анда сөйгән әнкәем.
Илешем
Илеш киле, Илеш җире,
Чишмә дә, инеш кенә.
Чишмәләрнең, инешләрнең
Сулары көмеш кенә.
Илеш авылы
Илеш авылы кайда дисәң,
Тулган айның янында.
Бәхетле йолдыз астында,
Агыйдел буйларында.
Изгә эшем
Туган илем, минем туган халкым,
Сезне генә көн-төн уйлыймын:
Сез исән-сау икән, мин дә исән һәм сау,
Авырсагыз, мин дә аврыймын.
Гомеремне, бөтен иҗатымны
Сезгә хезмәт белән бизәрмен;
Шушы юлда нинди газап һәм михнәтләр
Кичерсәм дә, ләкин түзәрмен.
Изгеләр чишмәсе
Әниемнең бишек җырын көйләп
Туган якка ага чишмәләр.
Туган якның челтер чишмәләре
Балачакка алып китәләр.
Идел-йорт
И Идел-йорт, Идел-йорт,
Идел буе имин йорт,
Ата-бабам тоткан йорт,
Ашлык белән тулган йорт;
Идел-Җаек арасы
Елкы белән тулган йорт;
Казан-Болгар арасы
Кала белән тулган йорт.
Идел суы ага торыр
Идел суы ага торыр,
Алысларга бара торыр.
Кылыч тотып килсә дошман,
Идел-суга бата торыр.
Кылыч тотып килсә дошман,
Идел-суга бата торыр.
Чакыр гына
Юк куркытмас ачы бураннарның
Күңелгә шом салып алуын.
Буран ярып барыр идем сиңа
Чакыр гына, чакыр гына мине сөйгәнем.
Чайпалырмын, түгелермен…
Чайпалыр да, түгелер дә —
Чиләкләрем мөлдерәмә;
Сез гаепләп карамагыз
Суларым түгелгәнгә.
