Әйтер сүзең әйтеп кал!
Агыйделкәй буйларында
Чәчәк ата карлыган.
Күптән инде күңлем сизә,
Әйтер сүзең бар сыман.
Сагыну
Әйткән идең…
Әйткән идең: «Әгәр сөя калсаң
Миннән башка берәр бүтәнне,
Сөй… бары тик миннән яхшыракны,
Сөймә ләкин миннән түбәнне…»
Әлдермешкә кайтам әле
Сая елгалары ага,
Текә ярларга тулып.
Агар идем шул якларга,
Чишмә моңнары булып.
Әле генә…
Уйланам да хәйран калам,
Гомернең агышына.
Төшенеп тә өлгермәдем
Дөньяның аешына.
Әниемнең йомшак куллары
Үткәннәргә еллар аша карыйм,
Әниемнең яшь чакларын күрәм.
Чәчләремне сыйпап — сыйпап тарый,
Толымнарга ал тасмалар үрә.
Әниле йорт
Яулыкларын чөеп бәйләп алган,
Йөгергәләп аш-су әзерли.
Нинди рәхәт әни барда өйдә,
Нинди матур безнең үскән өй.
Әрем кадере
Авылымнан киткәндә мин
Өзеп алдым әремен.
Чит җирләрдә йөргән чакта
Басар йөрәк әрнүен.
Әткәй кайтыр кебек тоела
Әтиемне төшләремдә күрәм
Битләремә куя уң кулын
Ул елмаеп күзләремә карый
Сагындынмы, улым, күз нурым?
Әҗегол сылуы
Әҗегол үстерә
Кызларның сылуын.
Тиңнәре бар микән
Сезгә чит кызларның?
Өйдә буран булмасын
Китәм, диеп ник әйтәсең,
Күңелгә сагыш салып?
Китсең алып китәсең бит,
Ярты йөрәгем алып.
