Сөю хакы
Яшьли кавышалар гашыйк ярлар,
Сөю тәхетендә кемнәр юк!
Тик шулай да гомер көзләренә
Парлап килгәннәргә тиңнәр юк.
Сания Әхмәтҗанова
Җәй кызы
Ямьле җәйдә тугангамы,
Җәйләр килсә, яшьним, тереләм,
Яши башлыйм өр-яңадан,
Яфрак туган кебек бөредән.
Толымнарың
Таң нурларын кушып тараганга,
Толымнарың булды микән озын.
Таңда чишмәләрдән су китергән
Авыл кызы бит син, авыл кызы.
Әткәй гармуны
Бер ялгызың калып, башың кырын салып,
Гармуныңны-дускаеңны уйнатасың, әткәй.
Синең белән бергә җиһан уйга чума,
Җанны кузгатасың, елатасың, әткәй.
Кыз бала (өченче вариант)
Әти ясаган кабада
Җеп эрлим җырлый-җырлый.
Кулымда әни орчыгы
Әйләнә зырлый-зырлый.
Мин ул, әни, синең яшь чагың
Әниемнең ал күлмәген киеп,
Бөтереләм көзге каршында.
Нинди хатирәләр саклыйсың син?
Сер булмаса, сөйлә барсын да.
Ялгыз әнкәй
Рәнҗетмикме әнкәйләрне,
Хат язганчы кайтып килик.
Күчтәнәчләр юллаганчы
Бер күрешеп, хәлен белик.
Әнкәем-сердәшем
1. Сабый чактагыдай, иркәләнеп,
Алларыңа башым салыймчы?
Үзем күптән әни булсам да мин,
Нәни кызың булып калыймчы?
Ана җыры (икенче вариант)
Бәхеткәйләр сагындырып кына
Шакый, диләр, өйнең ишеген.
Белгән догам укып эчтән генә,
Өй түремә элдем бишегең.
Яшьлегемә кире кайталмыйм
Дугаларга чиккән сөлге бәйләп,
Моңлы кыңгыраулар чыңлатып,
«Авыл көе»н җырлап чыгып киттем,
Унсигезем калды озатып.
