Дуслык жыры
Жыр белән тусыннар хезмәтнең таңнары
Шатлыкта үтсеннәр бар көннәр
Елмаеп туганын илдәге таңнарның
Теләми бу җирдә соң кемнәр.
Дуслык
Дуслык көче
Бер дускаем Ырынбурдан,
Икенчесе Казаннан,
Ә мин үзем Өфеләрдән,
Без дусларбыз кайчаннан.
Ныклы дуслык, рухи байлык,
Безнең йөрәк түрендә.
Өфе, Казан һәм Ырынбур,
Кан кәрдәшләр гомергә.
Дим-дим
Җилфер-җилфер, дим-дим,
Йөргән чакта, дим-дим,
Җилләр ача куенымны.
Янып-көеп, дим-дим,
Йөргән чакта, дим-дим,
Дуслар ача күңелемне.
Дуска
Шатланам дуслар булганга,
Алма бишкә бүләрлек.
Баш катканда киңәш сорап,
Эч серләрен сөйләрлек.
Дуслар (икенче вариант)
Дус, дус, дус, мәңгелеккә дус,
Күңел түремә дускаем син уз,
Күңел түремә дускаем син уз.
Зарланасың да, моңланасың да,
Булмаган чакта яныңда чын дус,
Булмаган чакта яныңда чын дус.
Дуслар (беренче вариант)
Йөрәгемдә утлар янса,
Әйтер сүзем күп җыелса,
Дуслар белән
Шатлыкларны тыныч (шашып) каршыладым,
Кайгыларны яшьсез күтәрдем.
Яннарымда дуслар булгангамы,
Тоймаганмын еллар үткәнен.
Дуслар булса кайгырма!
Матур җырдан гына тормый,
Гомерләрнең һәр көне.
Кечкәй генә шатлыктан да,
Эшлә, син бәйрәм үзең!
Дуслар кирәк!
Бар эле, бар дуслар белән
Ашап-эчәсе.
Бар эле бар сезнең белән
Бәйрәм итәсе!
Дуслар кирәк! Дуслар — терәк
Тормыш юлында.
Дуслар белән гөрләп яшәү —
Ходай кулында.
Дуслар җыелган җирдә (Дусларыма)
Шатлыклар уртаклашырга
Җыелган дусларыбыз.
Дуслар белән бергәләшеп
Күңел ачкан чагыбыз.
