Пар канат булыйк гомергә
Еракта да—син янәшә,
Синең тавыш миңа дәшә,
Синең белән бары минем
Хыялларым чынга аша.
Дуслык
Печән өсте
Быел печәннәрне мин чапмадым,
Бөрлегәннәр алып та капмадым.
Күп җирләрдә җөрдем, дөньҗа гиздем.
Сездән якыннарны ла тапмадым.
Нәни дусларым
Минем нәни дусларым,
Кенәриләр кошларым.
Сайрауларын яратам,
Һәр көнне тыңлап ятам.
Искәндәр
Биек тауның башларында
Алма агачлары бар;
Шул алма агачларында
Сайраша сандугачлар.
Исән чакта күрешик
Җир астында юллар булмас,
Исән чакта күрешик.
Вакыт табып хәл белешик,
Кунакларга йөрешик.
Их, гармуның
Уйна, дустым, гармуныңны,
Бер җырлап алыйк әле.
Күңелдәге кайгы-зарны
Утларга ягыйк әле.
Их, дусларым
Их, дусларым, дусларым,
Дусларым, дус-ишләрем;
Сез дуслардан аерылгач,
Ялгыз башым нишләрмен?
Их, яшисе килә
Их! Яшисе килә
Тик матурлык тоеп,
Тик яхшылык эшләп кешегә.
Барысы да аңлап бетерми шул,
Донья фани, гомер бер генә…
Иясез шатлык
Уйный-оча күбәләкләр —
Җанлы чәчәкләрмени!
Урманнарга, болыннарга
Шатлык чәчкәннәрмени!
Иң гүзәл кеше икәнсез
Килгән чакта башка авырлык,
Җитми калса көч, йә сабырлык,
Сиздермичә ярдәм иткәнсез —
Сез иң күркәм кеше икәнсез.
