Яз шатлыгы
Яфрак яра ак каеннар,
Елгаларда су ташый.
Бөтен җирдә яз шатлыгы! —
Җырлыйсы килә башлый.
Авторы на букву: Г
Яландагы балан
Күпме гомер читтә узган
Тик төшкә керә һаман.
Туган якларымда калган
Баланлы ямьле ялан.
Язгы моң
Чит җирләрдән, илен сагынып,
Тургайлар кайтты инде;
Тургай күк талпына күңелем —
Моңнарым артты инде.
Ык буйлары
Бик сагындым Ык буйларын,
Ашыгып аккан суларын;
Ык сулары басар төсле
Йөрәгем ярсуларын.
Шушы язгы мизгелдә
Тып — тып итеп
Тыпылдап,
Чылтыр — чылтыр
Чылтырап,
Биек йортлар түбәсеннән
Боз сөңгеләр коела.
Шаулый урман (беренче вариант)
Урман юлы буйлап туган якка,
Кайтып киләм таңнар аткан чакта.
Юлга ауган каен. Кемнәр кискән,
Нинди давыл, нинди җилләр искән?
Урманнарда йөрдем
Урманнарда йөрдем иркен сулап,
Бигрәк хуш исле нарат ылысы;
Йөрәк яраларын төзәтәдер
Күз карашкайларыңның җылысы.
Уйна, колыным!..
Кош кебек очып, гөлләрне кочып,
Бер колын уйный җәйге болында.
Сибелә иңенә, нечкә биленә
Ефәк яллары кояш нурында.
Төнге яңгыр
Төнге яңгыр бәрелә тәрәземә,
Моңсулыгы, үтә үзәгемә.
Ялгыз яфрак сыман ятим җаным,
Дөнья буйлап гизә эзләп парын.
Тамчылар (беренче вариант)
Тамчылар, тамчылар!
Әйтегезче, тамчылар!
Нигә язгы кичләрдә
Яшь йөрәкләр ярсыйлар?..
Нигә язгы кичләрдә
Яшь йөрәкләр ярсыйлар?..
