Дусларга (икенче вариант)
Аргы яктан бирге якка
Озын юлны кем салган?
Безнең дуслар юл салган шул,
Безнең дуслар юл салган.
Дусларга — туганнарга
Янбызда дуслар барда
Калмабыз ярык ярда.
Сагындыра туганнарым,
Кайчан кыскара ара?
Дусларым (икенче вариант)
Көзге җилләр ачы була диеп,
Курыкмаслар асыл кошларым.
Җилләр исә диеп, камыш булып,
Сыгылмасалар минем дусларым.
Дусларым (беренче вариант)
Сезне күрсәм кабат якын дуслар,
Моңлы җырлар туа җанымда.
Шатланамын кайчак, мактанамын да
Дусларым бар, дуслар янымда.
Шатланамын кайчак, мактанамын да
Дусларым бар, дуслар янымда.
Дусларым, дусларым,
Минем якын дусларым,
Шатланамын кайчак, мактанамын да
Дусларым бар дуслар янымда.
Дусларыңны онытма (беренче вариант)
Кош баласы канат белән туа,
Һаваларга менеп югала.
Кешеләр дә кош баласы кебек
Үз язмышын эзләп юл ала.
Дуслык жыры
Жыр белән тусыннар хезмәтнең таңнары
Шатлыкта үтсеннәр бар көннәр
Елмаеп туганын илдәге таңнарның
Теләми бу җирдә соң кемнәр.
Дуслык көче
Бер дускаем Ырынбурдан,
Икенчесе Казаннан,
Ә мин үзем Өфеләрдән,
Без дусларбыз кайчаннан.
Ныклы дуслык, рухи байлык,
Безнең йөрәк түрендә.
Өфе, Казан һәм Ырынбур,
Кан кәрдәшләр гомергә.
Дим-дим
Җилфер-җилфер, дим-дим,
Йөргән чакта, дим-дим,
Җилләр ача куенымны.
Янып-көеп, дим-дим,
Йөргән чакта, дим-дим,
Дуслар ача күңелемне.
Дуска
Шатланам дуслар булганга,
Алма бишкә бүләрлек.
Баш катканда киңәш сорап,
Эч серләрен сөйләрлек.
Дуслар (икенче вариант)
Дус, дус, дус, мәңгелеккә дус,
Күңел түремә дускаем син уз,
Күңел түремә дускаем син уз.
Зарланасың да, моңланасың да,
Булмаган чакта яныңда чын дус,
Булмаган чакта яныңда чын дус.
