Яшьлек белән
Диңгез булып һәрчак чабып булмый,
Ярлар тыя берчак ташкынны.
Уй-хисләрем дулкынланыр әле,
Яшьлегемә кайтсам ашкынып.
Яшьлек бит ул
Яшьлек бит ул — бер чәчәк,
Бик кыска шул гомере.
Яшеннәрдәй бер яшьни дә,
Янып кала күмере.
Яшьлек болыны
Әллә инде юри шаярасың,
Әллә инде миннән көләсең:
Күзләремне йомсам-күз алдымда
Болын буйлап җырлап киләсең.
Яшьлек кайтавазы
Язгы сулар кебек аккан гомер
Күңелләргә бетмәс моң сала.
Онытылмас яшьлек хатирәсе
Күңелләрдә кабат яңара.
Яшьлек моңнары
Үтә көннәр, үтә еллар,
Яшьлек язым артта кала.
Былбылым да алсу таңда
Күңелемә (йөрәгемә) моңнар сала.
Яшь гомер
Яшь гомер бер узгач,
Кайтмый ул яңадан.
Тик минем яшьлек никтер кайтыр кебек;
Яшьлектә сөйгән яр,
Сагындым, килеп ал,
Сине көтәм һаман, дип әйтер кебек.
Яшь кызларга
Чәчәккә күмелсен,
Кояшка үрелсен, —
Үстер син яшьлеген гөлләрен
Гомергә бер килә,
Кадерен бел генә —
Унсигез яшь тулган көннәрең.
Яшьлегем (беренче вариант)
Бик еракта калды минем,
Җырлап үскән яьшлек чагым.
Шул яшьлегем искә төшсә
Йөрәккәем ярсый (эрни) тагы.
Яшьлегем кайтавазы (беренче вариант)
Ерак язлар аша
Таныш казлар дәшә —
Үткәннәрдән алар кайтаваз.
Әмма синсез генә,
Әмма минсез генә
Болыннарга шаулап кайта яз.
Яшьлегем кайтавазы (икенче вариант)
Зәңгәр яулык болгап озатып калдың
Борма-борма юллар чатында.
Ара ерагая барган саен,
Мин борылып карыйм артыма.
