Таулар биек (беренче вариант)
Таулар биек, таулар биек,
Күксел урманнар.
Хәтердә яши бер
Сихерле таңнар,
Тау астында чылтырап аккан
Чишмә җырлары,
Моң булып аерылып калган
Яшьлек еллары.
Бату Мулюков
Җырымда юатырмын
Җырлар өчен җырым бар,
Сөйләр өчен серем бар.
Син генә тик аңламыйсың,
Әллә инде күңелең тар,
Әллә авыр кайгың бар?
Җырларымнан белерсең
Әйдә, чыгыйк әле болыннарга,
Ал чәчәкләр өзеп йөрерсең.
Яратаммы сине, әйтмим әле —
Күзләремнән белерсең.
Яшь кызларга
Чәчәккә күмелсен,
Кояшка үрелсен, —
Үстер син яшьлеген гөлләрен
Гомергә бер килә,
Кадерен бел генә —
Унсигез яшь тулган көннәрең.
Кичермәсләр
Синең белән аерылганнан бирле
Телим гөлгә үрелмәскә,—
Безне таныштырган
Алсу гөлчәчәкләр
Кичермәсләр төсле, кичермәсләр
Кабат сагынма икән…
Бәхетле булып таңгача
Йөргән идек икәү без.
Кавышырга да өлгермичә
Аерылган икәнбез.
Ул да сөядер кебек (Юраш авылы)
Гомеремнең чишмәсе син,
Туган авылым Юрашым.
Юраш гүзәле гомергә
Булыр кебек юлдашым.
Тирсә иртәләре
Таң кояшы нурын сипте,
Гөлләрне иркәләде.
Алсу нурларга төренде,
Кошлар җырына күмелде
Тирсәнең иртәләре.
Кичке утлар
Әкрен генә сүнә шәфәкъ,
Эңгергә чума йортлар,
Җиргә сипкән йолдызлардай
Кабына кичке, утлар.
Гасырлар кешесе
Җир халкы яктыга, җылыга сусады,
Торса да йолдызлар нурында.
Бармы соң җиһанда тиңләрлек бер кояш
Гасырлар кешесе Ленинга!
