Яңа ел (өченче вариант)
Яңа елда җанны пакьлек бизи,
Ак карлардан күзләр чагыла.
Көтелмәгән ак бәхетләр килеп,
Тартып алыр кебек янына.
Йолдызлардан энҗе бер коелып,
Ак чәчәкләр иңгә кагыла.
Яңа елда татлы хис уянып,
Күңелләргә назлар агыла.
admin
Яңа ел (дүртенче вариант)
Ап-ак карлар ява җиргә,
Энҗе бөртекләрен сибә.
Яңа елның бизәкләре
Бәйрәм төсе тәрәзәдә.
Яңа ел (икенче вариант)
Бар җиһанга бәхет теләп
Җирнең шары әйләнә.
Әткәй — әнкәй туганнарың,
Җан дусларың эргәдә.
Яңа ел (бишенче вариант)
Якынлаша Яңа ел,
Дулкынлана йөрәкләр.
Озатып кала иске ел,
Теләп изге теләкләр.
Килгән дуслар, туганнар,
Күмәкләшеп тулганнар.
Яшьлек туе
Сөйгәненә яшь егет
Алтын балдак кидерә.
Сөю тулы карашы
Көйдерә шул, көйдерә.
Язлар җиргә җиңү алып килде
Итек белән таптап солдат үтте
Европаның канлы тузанын
Ирек яулап яуда калды солдат
Бөеклеккә илтеп ил данын
Ватанымның батыр бөркетләре
Россиямнең батыр уллары
Татарстан дигән гүзәл җирнең
Курку белмәгән лачыннары
Эй, Яңа ел, Яңа ел
Эй, Яңа ел, Яңа ел,
Әйләндерә җир шарын,
Килеп җитәр буранлап
Онытмыйча без барын.
Эй, Яңа ел, Яңа ел,
Әйләндерә җир шарын,
Шатландырып халыкны,
Килеп торсын ел саен!
Туйлар гөрли
Туйлар гөрли! Менә бәйрәм бүген
Ике гашыйк ярлар кавышкан.
— Мин яратам сине бердәнберем!
— Мин яратам сине җанашым!
— диеп алмашалар балдакларны
Вәгъдәләр әйтәләр, вәгъдәләр.
Пар балдаклар кигән яшь парларны
Туганнары тәбрик итәләр.
Туйга теләк
Чәчегез чәчкә бәйләнде —
Бүген сезнең туегыз!
Бергә булсын, якты булсын,
Уртак булсын уегыз!
Тик бәхеттән генә торсын
Сезнең барыр юлыгыз!
Кайгы — хәсрәт, көенечне
Читкә алып куегыз!
Туйга бүләк
Язлар җитеп килә, бозлар агып китә
Ярлар белән гүя серләшеп.
Үткән артта кала, гомер алга чаба
Үткән юллар кала тезелеп.
