Соңладың (беренче вариант)
Күңелем түрендә хәзинә,
Мең төрле чәчәкләр түтәлдә.
Син саксыз кагылып, өзгеләп
Илттең шул аларны бүтәнгә.
Композиторы на букву: Х
Сиңа тартыла күңел
Таң атканда, Агыйделнең
Дулкыннары бик салкын.
Яшь йөрәкнең дулкыннары
Нигә икән тик ялкын?
Синдер ул дип уйладым
Аланнарны күп буйладым
җырлар җырлап туймадым.
Җырларымның иң яхшысы
синдер ул дип уйладым.
Син булганда (беренче вариант)
Син булганда, күгем балкый минем —
Дөньям тула якты хис белән;
Үбеп озатуым иртә таңнан
Бәхет булып кайта кич белән;
Мин кабаттан туыр булсам
Мин кабаттан туыр булсам,
Чишмә булып туыр идем.
Чылтыр-чылтыр назлап кына,
Аягыңны юыр идем.
Күк күгәрчен, пар күгәрчен
Гөлдер-гөлдер, гөлдер-гөлдер
Гөрелдәй күк күгәрчен.
Күк күгәрчендәй гөрелдәп,
Төшләремә керәсең,
Төшләремә керәсең дә,
Куларыңны бирәсең.
Чәчләр-чәчәк, чәчләр-чәчәк
Бәйләнгәндер күрәсең.
Кайларда син
Кайларда — уң, кайларда — сул,
Кыйблаларым буталды.
Дөньяларым буталды да
Җаннарымны ут алды.
Зөһрә җыры
Чыгасың да Идел ярларына,
Сөяләсең бөдрә талларына.
Чал Иделнең тәңкә дулкыннары
Тәгәрәп килә синең алларыңа.
Траля-ля-ля…
Зәйтүнә
Зәйтүнәкәй, бик матурсың,
Йөзең алсу таң кебек.
Ай-ли, Зәйтүнә,
Йөзең алсу таң кебек.
Кашың карлугач канаты,
Буең зифа тал кебек,
Ай-ли, Зәйтүнә,
Буең зифа тал кебек.
Елмай иркәм
Төне буе яңгыр ява, тәрәзәм елый,
Өй караңгы ичмасам, син иркәм елмай.
Син елмайсаң, өй яктырып китәр сымак,
Өлгеләрдә күз яшьләре кибер сымак.
