Уйна, гармун (беренче вариант)
Уйна, гармун, уйна!
Өздерепләр уйна!
Эрет әле күңел бозларын.
Сөймәгәннәр сөйсен,
Ялкыннарда көйсен,
Шатлыкларга, шатлыкларга
Күм син (күмсен) дөнъяны.
Уйна әле гармуныңда
Уйна әле, уйна гармуныңны,
Яшәп булмый җирдә ялкынсыз.
Еракларда янган бер йолдызым
Күк томаннар аша балкысын.
Уйна тальян гармуныңны
Уйна тальян гармуныңны
Безнең авыл көенә.
Тәрәз саен моңнар тулып
Керсен авыл өенә.
Таң алдында гармун моңы
Таң алдында гармун моңы…
Хыялый итәр кебек.
Үтеп барган яшьлегемә
Кабаттан илтәр кебек.
Татар гармуны (беренче вариант)
Йөрәкләрдән-йөрәкләргә
Син бит күпер салучы.
Җәйге кичтә урамнарда,
Өздерә бер гармунчы.
Тальян гармун (икенче вариант)
Ничә тапкыр төштә күрдем, төштә күрдем,
Сиңа насыйп, сиңа насыйп яр булдым.
Әллә үзең сихерләдең, әллә үзең сихерләдең,
Әллә тальян гармуның.
Тальян гармун (беренче вариант)
Урам буйлап егет узды
Тальян гармун сыздырып.
Моңына күмеп авылны,
Кызларны кызыктырып.
Сөмбел (икенче вариант)
Сыздыр, әйдә, гармуныңны,
Авазлары чынласын шул;
Яшь күңелнең дәртле җырын
Иптәшләрем тыңласын.
Сөйлә, гармун, серләремне
Күңелемдәге серләремне
Салдым гармун теленә.
Гармун телләре серемне
Сөйләсен дип үзеңә.
Син — гармунчы, мин — җырчы
Сөйгән ярың кем, дисәгез,
Гади генә бер кеше.
Гармун уйнау, баян уйнау —
Аның бар белгән эше.
